Farmakologiari buruzko ezagutza orokor gehienen oinarria subjektu helduekin egindako azterlanak dira. Hainbat arrazoi direla bide (aurkako erreakzioen arrisku handiagoa, datu farmakozinetikoak interpretatzeko konplexutasuna...), adinekoak ez dira kontuan hartzen merkatuan sartutako botika berriak garatu eta onesteko prozesuan. 1989tik aurrera, Food and Drug Administration (FDA) izenekoak herritarren talde horiek azterlan horietan kontuan hartzea gomendatzen du, gutxienez adinekoen patologia zehatzei bideratutako botiken kasuan edo adinekoen makrokontsumoa izango dutenen kasuan. Nabarmena denez, gaur egungo botika gehienak ez dira ikertu adinekoekin merkaturatu aurretik. Modu berean, azterlan gutxi diseinatu dira dosi eraginkor txikiena zein den ebaluatzeko. Beraz, adinekoen terapeutikara egindako hurbilketa orain arte iritzi klinikoetan, datu anekdotikoetan, froga-erroreetan eta dosien ausazko aldaketei buruzko dedukzio enpirikoetan oinarritu da, hirugarren adineko subjektuaren fisiologiaren aldaketa ezagunak aintzat hartuta.