Osteoporosia (OP) gaixotasun metabolikoa da. Hezur-masaren murrizketa da bere ezaugarria eta horrek eskeletoaren segurtasun biomekanikoa arriskuan jartzen du, hausturak izateko arriskua gehituz.
Osteoporosiak menopausia ondorenean dauden emakumeen %30-%40ri eragiten die eta 75 urtetik gorako pertsonen %50ri, horietatik, emakumeen herenak eta gizonezkoen seirenak gutxienez, haustura osteoporotiko bat izango du 90 urte bete baino lehen. Aldaka haustea da arazorik kezkagarriena, erikortasun eta heriotza-tasa handia baitu eta pertsona nagusiengan ezgaitasuna eragiten duen zergati nagusienetakoa baita, osasun-kostu handia eraginez.