Migraina zefalea atzerakaria da, asko aldatzen dena intentsitate, maiztasun eta iraupenari dagokienez, orokorrean alde batean kokatzen dena, eta askotan goragale eta okadekin lotua. Bizitzako bigarren hamarkadan hasi ohi da. Migraina gaixotasuna biztanleriaren %10-17ak du, eta emakumeek bi aldiz gehiago izaten dute. Gaixoen %70 inguruk zefalearen historia familiarra dute. Gertaera faktore-mota ezberdinak medio hasi daiteke:
     - elikadura (baraua, txokolatea, gaztak, koipeak)
     - alderdi psikofisikoak (estresa, nekea, lo gehiegi edo gutxiegi,    jarduera sexuala, e.a.)
     - toxikoak (alkohola, kafea, tabakoa, e.a.)
     - ingurumena (hezetasuna, hotza, argitasun handiegia)
     - hormonalak emakumeengan (hilekoa, haurdunaldia, antisorgailuak).