Alkoholaren per capita kontsumoa pixkana gutxitzen joan da gure ingurunean, azken urteetan zehar. Hala ere, alkohola edateak osasun publikoko arazo handia izaten jarraitzen du; gainera, alkohola kontsumitzeko modu berriak agertzen hasi dira (berriak gure kultura tradizionalagoarentzat), eta gizartean, laguntza-zerbitzuetan eta, jakina, Lehen Mailako Arretan, adierazpen eta egoera problematiko bereziak aurkeztu dira. Gazteen kasuan gertatzen da hori, alkohola asteburuetan edo jai-okasioetan kontsumitzeko eredu bereizgarriarekin. Ezaugarrien artean, beste droga batzuekin lotu nahi izatea, gogo-aldartea altxatzeko jokabideak, parte-hartze soziala, portaera-errituak edota tentsioak edo gabeziak arindu nahi izatea aipatu behar dira.