Tabakismoaren tratamendu farmakologikoa ez da berria, eta azken hamar urteetan tratamendu eraginkorren bilaketa gehitu da. Duela gutxi arte, tabakismoa ohitura bezala hartu da; beraz, faktore psikosozialak funtsezkoak izan dira. Horren araberakoak izan dira, baita ere, informazio eta heziketarako neurriak eta neurri orokorrak, legeak eta erregelamenduak; hots, tabakoaren epidemia azkar atzeratzeko hautatutakoak. Neurri horiek ezinbestekoak izan dira eta dira; ez, ordea, nahikoak, eta erretzeari uzteko laguntzako ekintzekin osatu behar dira.