Castellano | Euskara | Français | English
Bupropion (Zyntabac®, Quomem®) antidepresibo bat da eta erretzeari utzi nahi dioten erretzaileentzat interesgarria izan daiteke. Bupropion jatorrian antidepresibo moduan garatu zen. Neuronetan noradrenalina eta dopamina berreskuratzea eragozten duen inhibitzaile ahula da, eta serotonina berreskuratzean eragin ahulagoa du edo ez du inolako eraginik. Ez du MAO inhibitzen. Bupropionek erretzeari uzteko duen eraginkortasunari buruz proposatutako hipotesi bat da burmuinean dopamina eta noradrenalina mailak handitzen dituela. Hain zuzen ere, nikotina abstinentziaren ondorioz, neurotransmisore horiek maila oso txikiak izaten dituzte.