2 motako mellitus diabetea duten gaixoentzako tratamendua, bereziki gehiegizko pisua dutenentzat eta ahozko metforminaren gehieneko dosiarekin glukosa kontrolatzea lortzen ez dutenentzat.

Rosiglitazona PPARg-ren (peroxisomen proliferadoreak aktibatutako gamma hartzailea) agonista da, tiazolidindionen motakoa. Intsulinarekiko erresistentzia bereziki murrizten du ehun periferikoetan, eta glukosaren kaptazioa eta erabilera gehitzen du ehun adiposoan eta muskulu eskeletikoan. Mmetformina gibelean jarduten duen biguanida bat da, eta glukosaren produkzioa murrizten du glukoneogenesisa eta glukogenolisisa inhibitzean. Muskulu eskeletikoan ere egiten du lan, intsulinarekiko sentsibilitatea apur bat gehituaz eta glukosa periferikoaren erabilera hobetuaz, glukosaren hesteetako xurgapena atzeratzearekin batera. Rosiglitazonak metabolismo hepatikoa izaten du, eta gehiena gernu bidez ezabatzen da. Metformina gernu bidez aldatu gabe iraizten da.