Castellano | Euskara | Français | English
ETF 4. zenbakia: Glulisina intsulina
Ezagutzera eman
Inolako abantailarik ez eraginkortasun eta segurtasun aldetik, giza intsulina erregularrarekin edo lispro intsulinarekin alderatuta
- Glulisina Intsulina giza intsulinaren hirugarren analogoa da, ekintza azkarrekoa eta iraupen laburrekoa, gure herrialdean eskura dezakeguna.
- Duela gutxi baimendu da mellitus diabetearen tratamendurako gaixo helduetan, eta bolo posprandrialen bidez administratzen da.
- Azalpeko injekzio bidez sartzen da otorduak baino apur bat lehenago (015 minutu) edota otorduak bukatu bezain laster.
- Ebidentziek, giza intsulina erregularraren eta lispro intsulinaren aurrean egindako gutxiagotasun ezako azterketek, ez dute erakutsi klinikoki garrantzitsua den desberdintasunik.
- Entsegu klinikoetan, aurkako erreakzioen eragina nahiz hipogluzemiena (larriak eta gauekoak barne) antzekoa izan zen glusilina intsulinarekin tratatutako multzoan, lispro intsulinarekin edo giza intsulina erregularrarekin tratatutakoekin alderatuta.
- Eskura ditzakegun ebidentzien arabera, ez dirudi glulisina intsulina erabiltzeak abantaila garrantzitsuak dituenik, eraginkortasun eta segurtasun arloan, mellitus diabetea tratatzeko erabilitako lispro intsulinaren eta giza intsulina erregularraren aurrean.
