Sinu-noduluaren korrontea hautatuz inhibitzen duenez, maiztasun kardiakoa txikiagotzen duen mota berri bateko antianginosoa da ivabradina.
Sinu-erritmo normala duen bularreko angina tratatzeko erabiltzen da, beta-blokeatzaileak hartu ezin dituzten edo onartzen ez dituzten pazienteen kasuan.
Atenolol-aren eta amlodipino-ren aurrean eraginkortasun berdina izan zuen, baina kontrako ondorio larri gehiago izan zituen. Amlodipinoz egindako tratamenduari ivabradina gehitzean ez zen gertatu onurarik.
Ez du abantailarik ekartzen dauden aukeren aurrean (kaltzioaren antagonistak, ekintza luzeko nitratoak) beta-blokeatzaileak kontraindikatuta dituzten edo haiek onartzen ez dituzten bularreko angina egonkorra duten pazienteentzat.