Gaixotasun meningokozikoaren agente eragilea Neisseria meningitidis da eta bi forma kliniko ditu: meningitisa eta sepsia, eta batzuetan biak elkarrekin agertzen dira. Gaixotasun larria da, bat-batean hasten da eta egoera orokorrean eragin handia du. Batzuetan prozesu oso azkarra izaten da, heriotza-tasa handia du, tratamendu antibiotikoa berehala ezarri arren. Horregatik guztiagatik, eta kasu baten harreman intimoen artean bigarren mailako kasuak gertatzeko arriskua dagoenez, populazioak beldur handia dio eta gizarte alarma handia pizten du.