Hasiera - CIN - Roncal/Erronkari
Sarrioak arroketan saltoka, ugatzaren silueta erroitz harrigarri batean marraztua, ardiak lasai-lasai bazkatzen goi larreetan: Nafarroan parekorik ez duen ibar glaziarra, leizeak nonahi mendi barrenean... Irudikatzen duzu? Naturagune berezi hori gertu duzu, Nafarroako ekialdeko Pirinioetan.
Ezagutu bertako balio natural amaigabeak eta bertakoen iragana: ibaietan barna jaitsi dira, enbor gainean; hamarnaka kilometro ibili dituzte artaldeekin, Bardeara bidean, eta bortuak ere gurutzatu dituzte, espartinak josita bizimodua ateratzeko.
Erronkariko naturaren interpretazio zentroan mundu eder horren ateak irekitzen dizkizugu: landareak, animaliak eta gizakiak gai izan dira klima zorrotz horretara egokitzeko. Egin bisita Nafarroako mendialdearen munduan murgiltzeko.