Osasun arloan teknologia berrien erabilera sustatzeko 3,3 milioi euro inbertituko dira Nafarroan, 2007an astelehena, 2006.eko azaroak 27

Nafarroako Gobernuak, gaurko bileran, Osasun Departamentuak eta Red.es estatuko sozietate publikoak batera garatuko duten jarduera-plan bat onartu du, osasunaren alorrean informazio- eta komunikazio-teknologia berrien erabilera sustatzeko. Datorren urterako inbertsioa 3.339.404 eurokoa da.

“Sanidad en línea” (e-osasuna) delako planak hainbat baliabide ezartzea edota hedatzea erraztuko du: errezeta elektronikoa, internet bidezko hitzordua, historia kliniko elektronikoa eta telemedikuntzako hainbat proiektu. Hori guztia, erabiltzailea identifikatzeko eta Estatuko Osasun Sistema osasun-prestazioak estatuko edozein lekutan eskura izateko balioko duen euskarria medio: osasun-txartela. Hitzarmen horri esker, Osasun Departamentuak Estatuko Osasun Sisteman lineako osasuna garatze aldera Osasun eta Kontsumo Ministerioak eta Industria, Turismo eta Merkataritza Ministerioak 2005eko urriaren 4an sinatutako esparru-hitzarmenean parte hartuko du. Aipatu azken Ministerioari atxikia dago, hain zuzen, Red.es enpresa-erakunde publikoa, jarduera ekonomiko eta sozialaren arlo guztietan informazioaren gizartea sustatzeko ardura duen erakundea.

Dokumentazioa:: 2711sa40.doc

Jar zaitez gurekin harremanetan | Erabilerraztasuna | Lege abisua | Webaren mapa