Castellano | Euskara | Français | English
Ezagutzera eman
Ikusi egun honetako albiste gehiago
Valdizarbeko Jarduera Ekonomikoen Eremua UPS deklaratu dute osteguna, 2006.eko abenduak 28
Nafarroako Gobernuak gaurko batzarrean Valdizarbeko Jarduera Ekonomikoen Eremua Udalez gaindiko Plan Sektorial (UPS) deklaratzea adostu dute. Eskaera Industria eta Teknologia, Merkataritza eta Lan Departamentuak sustatu du, Nafarroako Industria Lurzorua (NASUINSA) erakunde publikoaren bidez.
Halaber, espedientea aldi berean jendaurrean eta instalazioak ukitzen dituen udalen entzunaldi tramitearen pean jarriko da hilabetez. Espedientea Ingurumen, Lurraldearen Antolamendu eta Etxebizitza Departamentuan (Armada Etorbidea, 2, 2. solairua, Iruña) eta epe horretan zilegi izanen da idatziz nahi adina alegazio aurkeztea.
UPSaren helburua Legarda, Obanos eta Uterga herrietako lursailetan zerbitzu eta azpiegiturak dituzten zoru ordenatuak sortzea da; honela, "Iruñerri inguruan eta Iruña-Logroño ardatzean enpresa-proiektuen garapena utzi eta sustatzen lagunduko dute, Foru Komunitateko sareko jarduera ekonomiko publikoen zorua aztertuz". Halaber, espedienteak dioenez, "batez ere, energia eta garraio aldetik dependentzia handia duten eta leku asko beharrezko duten jarduerentzako eremu erakargarria" sortzea nahi dute.
Jarduera ekonomikoen eremua Legardan (%72), Obanosen (%19) eta Urtegan (%9) kokatzen dira; zehazki, Legardako herri barrutik hegoaldera, Muruzabalekotik ipar-ekialdera eta Obanosekotik iparraldera. Eremuaren mugak honakoak dira: A-12 Bideko Autobia, NA-601 errepidea, Laniain goi-ordokiko hego-ekialdeko mendoitzaren burua eta Santa Agedako ermita.
Eremua kokatuko den lursaila NA-1110 errepidearekin paraleloan dagoen forma irregular eta luzexkako poligono bat izango da. Poligonoak 1.189.488 m² (199 ha) azalera du, eta bere jabetza, funtsean, pribatua da. Ordenatutako azalera osoa 1.150.823 metro koadrokoa da.
Espedienteak dioenaren arabera, eremuaren garapen-egutegiak hainbat etapa dauzka eta urbanizazio proiektuaren idazketarekin hasten da (espedientearen behin-betiko onarpenetik hiru hilabetera). Ondoren, urbanizazioa eraikitzeko obrak egingo lirateke bi fasetan (lehena urbanizazio proiektuaren behin-betiko onarpenetik urtebetera eta bigarrena 2015ean) eta bukatzeko, balio anitzeko ekipamendua egingo lukete (lehen faseko urbanizazio-obren bukaeratik hiru urtetara).
Urbanizazio, proiektuko ordainsari eta obren zuzendaritzaren kostuen kalkulua 50.782.480 eurokoa da.
