Castellano | Euskara | Français | English
Ezagutzera eman
Ikusi egun honetako albiste gehiago
Gurutze Gorriaren 2007. urterako lankidetza hitzarmena onetsi da
astelehena, 2007.eko urtarrilak 8Nafarroako Gobernuak 2007. urterako lankidetza hitzarmena onetsi du gaurko bilkuran Gurutze Gorriarekin sinatzeko, eta 101.900 euroko gastua onartu du aipatu erabakia garatu ahal izateko.
Aipatu hitzarmenaren bidez, Gurutze Gorriak konpromisoa hartzen du parte hartzeko eta kolaboratzeko Foru Erkidegoan gerta litezkeen ez ohiko larrialdi egoeretan. Halaber, arrisku kolektibo larria, hondamendi egoera edota kalitate publikoaren egoera eragiten dituzten kasuetan, aipatu erakundeak bere gain hartuko du eskatzen zaion eginkizuna, bereziki Nafarroako Herri Babesaren Lurralde Planak aurreikusten dituen gizarte eta osasun laguntzaren lanetan.
Nafarroako Gobernuak, berriz, sostengua emanen die Espainiako Gurutze Gorriaren jarduera humanitario eta sozialei, bereziki arestian aipaturiko kasuetan eta gizarte-laneko boluntarioen sustapen eta prestakuntzan. Horretarako kolaboratuko du aipatu erakundearen mantentze eta funtzionamenduan 101.900 euro emanez zeharkako gastuetarako. Aipatu zenbatekoari dagokion KPI gehituko zaio hitzarmena luzatzen den urteetan.
Gurutze Gorriak Nafarroako Gobernuari aurkeztuko dio, Nafarroako Larrialdien Agentziaren bidez, haren jardueren plana, bai eta aurreko urteko jardueren txosten orokorra ere.
