Castellano | Euskara | Français | English
Ezagutzera eman
Ikusi egun honetako albiste gehiago
Campoy kontseilariak ingelesa ikasteko aurtengo programak aurkeztu ditu
asteartea, 2007.eko otsailak 13
Hezkuntza kontseilariak, Luis Campoy Zueco, goiz honetan aurkeztu ditu Nafarroako Gobernuaren Hezkuntza Departamentuak aurtengo ikasturtean ingelesa ikasteko prestatu dituen programak.
Programa desberdinek 2.300 plaza eskaini dituzte Nafarroan, Espainiako gainontzeko lekuetan eta atzerrian, Lehen Hezkuntzako 3. mailaren eta Batxilergoaren 1 eta 2. mailen bitarteko ikasleei zuzenduta. Aurtengo nobedadea "Gazte buruzagitza" izeneko programan datza (Young leadership). Programa hori Kanadako Pearson College eskolan eskainiko da eta aurten maila nazionalean jarriko da abian.
Nafarroako ikasleei bai atzerrian eta bai Nafarroan eta bai beste autonomia erkidegotan ingelesa ikasteko eskainitako ikastaroak, honako hauek dira:
Atzerriko ikastaroak
Hezkuntza Departamentuak guztira 134 plaza eskaini ditu ingelesa atzerrian ikasteko programetarako. Honela banatzen dira:
- Udako ikastaroak AEB eta Kanadan: Alde batetik 130 laguntza eman dira atzerriko udako ikastaroetarako (AEB eta Kanada) ikasketa-sari kontzeptuan, beraz, espediente akademiko hoberena lortu duten Batxilergoko 1. mailako ikasleei zuzenduko zaizkie. Bertako egonaldian, ikasleak familia batekin biziko da eta gizarte eta kultur jardueren programa batean hartuko du parte begirale baten ikuskapenpean.
Familientzako programak, bi xedetan, 1.200 eurotan izango dira. Hezkuntza Departamentuak, bere aldetik 1.400 euro emango ditu ikasle bakoitzeko.
- "Gazte buruzagitza" Mintegia ("Young leadership") Kanadan: Aurtengo ikastaroen nobedadetako bat da. Horretarako guztira lau plaza eskainiko dira. Ikastaro hau Victoriako Pearson College de Victoria, Bristish Columbia eskolan garatuko da (Kanada) eta espediente hoberenak lortu dituzten Batxilergoko 2. mailako ikasleentzat izango dira. Aipatutako ikastaroaren helburua gazteek gizartean duten zeregina indartzea da, erkidego iraunkor, osasuntsu eta orekatuak eraiki ahal izateko, mundu guztiko 100 ikasle bilduko diren inguru pribilegiatu batean.
Ikastaroak hiru aste iraungo ditu (uztailaren 16tik abuztuaren 26ra) eta 3.150 eurotan izango da ikasle bakoitzeko. Hezkuntza Departamentuak hortik zati bat finantzatuko du, programa adjudikatu zaion enpresak beste bat, eta bestea, ikasle bakoitzaren familiak.
- Atzerriko ikastetxe batean txertatzea:Hezkuntza Departamentuak guztira 30 plaza eskaini ditu espediente akademiko hoberenak izan dituzten DBH-ko 4. mailako Nafarroako ikasleak atzerriko ikastetxe batean txertatzeko.
Alde batetik, 25 plaza eskaini dira Kanadan bi hilabete ikasten emateko (irailaren 1etik azaroaren 1era). Horretarako familiek gehienez 1.500 euro ordaindu beharko dituzte, eta hortik, Hezkuntza Departamentuak enpresa adjudikaziodunari 2.800 euro ordainduko dizkio ikasle bakoitzeko, eta bestalde, 5 plaza eskaini dira 5 hilabete AEBn ikasten emateko (abuztuaren 10etik abenduaren 23ra). Ikastaro horretarako, familiek 3.000 euro ordaindu beharko dituzte, eta hortik, Hezkuntza Departamentuak enpresa adjudikaziodunari 3.000 euro ordainduko dizkio ikasle bakoitzeko.
Hizkuntzan murgiltzeko ikastaroak Nafarroan
Era berean, Hezkuntza Departamentuak 2.063 plaza eskainiko ditu hizkuntzan murgiltzeko, Nafarroako leku desberdinetan. Baita beste 100 gehiago ere, autonomia erkidego desberdinetako ikastaroetarako.
- Eguneko ikastaroak: Guztira 672 plaza Iruñean eta 216 Tuteran eskaini dira Lehen Hezkuntzako 3, 4 eta 5. mailako ikasleentzat. Horiek uztailean ingelesarekin lotutako hezkuntza jardueretan eta aisialdian parte hartzeko aukera izango dute. Familiek 125 euro ordaindu beharko dituzte eta baldintza bakarra Nafarroan erroldatuta izatea da.
- "Spring break" Programa: Lehen Hezkuntzako 5. mailako ikasleei zuzenduriko programa hau apirilaren 23tik ekainaren 15era arte garatuko da. Horretarako 392 plaza eskainiko dira. Familiek 100 euro ordaindu beharko dituzte ikastaroarengatik, eta Irunberrin izango da. Bertan, ingeleseko eskola-jarduerak, esku-lanak eta estalkirik gabeko jarduerak uztartu nahi dira.
- Egoitza ikastaroak: Guztira 756 plaza eskainiko dira Lehen Hezkuntzako eta DBHko ikasleentzat, hizkuntzan murgiltzeko egoitza-ikastaroak Irunberrin egiteko. Ikastaroak astebetekoak edo hamar egunekoak izango dira, eta bertan, ikasleek ingelesa komunikatzeko erreminta eraginkor gisa garatzea nahi da. Astebeteko ikastaroak 210 eurotan eta 10 egunekoak, berriz, 315 eurotan izango dira.
- Ikastaroak beste autonomia erkidegotan: Era berean, Hezkuntza Departamentuak hizkuntzan murgiltzeko ikastaro bat beste autonomia erkidegotan jarri du abian. Horretarako 100 plaza eskainiko ditu.
