Castellano | Euskara | Français | English
Ikusi egun honetako albiste gehiago
Nazioarteko Protokoloko Sariaren IX. Edizioak Nafarroako Gobernuaren Protokolo Zerbitzua saritu du
asteartea, 2007.eko otsailak 27San Frantzisko Xabierren V. Mendeurrenaren ekintzen «talde-lan garrantzitsua, eta antolaketa bikaina eta landua» aitortu ditu
Nazioarteko Protokoloko Sariaren IX. Edizioak Nafarroako Gobernuaren Protokolo Zerbitzua saritu du «ekintza edo ekintza-multzo baten antolaketa hoberenaren» modalitatean, 2006. urtean antolatutako ekitaldiengatik, San Frantzisko Xabierren jaiotzaren V. mendeurrena dela eta.
Espainiako Protokolo Elkarteak, Nazioarteko Protokoloko Eskolak eta Zeremonia eta Protokoloko Nazioarteko Erakundeak antolatutako eta BBVA enpresak babestutako sariak asteburu honetan ezagutzera eman dira Madrileko Amerika Etxean. Martxoaren 22an entregatuko dira Madrileko Komunitatearen lehendakaritzako egoitzan.
Epai-mahaiak nabarmendu duen bezala, V. Mendeurrenaren antolaketak «Espainiako eta mundu guztiko herrialdetako milioi eta erdi bisitari erakarri ditu, eta ekintza instituzional, artistiko, sozial eta erlijioso antolatu dira».
Halaber, epai-mahaiak azpimarratu du «Nafarroako Gobernuaren Protokolo Zerbitzuak, azken urtetan, ibilera sonatua izan duela, izan ere, oso ekitaldi konplexuak antolatu ditu, erabateko profesionaltasunarekin, eta profesional guztiek jarraitu beharreko jakintza aplikatu du».
Edizio honetan, ere, Protokolo eta Zeremonia arloko Merituaren Domina eman zaio Nafarroako Unibertsitateko protokolo buruari, Javier Irigoyen, unibertsitateko protokolo esparruan burututako lanarengatik.