Ikusi egun honetako albiste gehiago
Gizarte Zerbitzuen Administrazio arteko Kontseilua eratu da
astelehena, 2007.eko ekainak 11
Nafarroako Gobernuak Foru Dekretu bat onetsi du Gizarte Zerbitzuen Administrazio arteko Kontseilua eratzen duena. Aipatu kontseilua organo iraunkorra da Nafarroako Foru Erkidegoko Administrazioaren eta toki entitateen arteko lankidetzarako.
Aipatu Foru dekretuaren indarrez, aipatu Kontseiluak ondoko eginkizun hauek izanen ditu:
- Txosten ematea Nafarroako Gizarte Zerbitzuen Plan estrategikoari buruz eta sektoreko panei buruz Nafarroako nahiz tokiko mailan.
- Foru Erkidegoko Administrazioarenak diren zerbitzuak tokiko entitateei pasatzeko proposamena egitea Nafarroako Gobernuari. Proposamen horren barrenean balorapen bat sartuko da eskualdatuko diren baliabide finantzario, material eta pertsonalei buruzkoa. Edozein modutan ere, Aipatu proposamena gauzatzeko toki entitateak ados egon behar du aurretik.
- Eremu orokorreko eta tokiko mailako gizarte zerbitzuak koordinatzeko proposamenak egitea Nafarroako Gizarte Ongizate Kontseiluaren gizarte zerbitzu-zorroa jarraitzeko eta aldatzeko Batzordeari eta gizarte zerbitzu arloan eskudun den Departamentuari.
- Txosten ematea tokiko mailako gizarte zerbitzuen plan estrategikoei buruz.
- Nafarroako Foru Erkidegoko Administrazioa eta toki entitateak ukitzen dituzten gizarte arloko planak, jarduerak, ekimen protokoloak eta esku hartzeko protokoloak proposatzea.