Castellano | Euskara | Français | English
Ezagutzera eman
Ikusi egun honetako albiste gehiago
Gobernuak suaren erabilera, motorrek ibilgailuen eta nekazaritza makinen erabilera araupetu du Nafarroan udarako
asteartea, 2007.eko ekainak 19
Gaur aurkeztu da baso suteak prebenitzeko Foru Komunitatean aplikatuko den araudia
Ingurumen, Lurraldearen Antolamendu eta Etxebizitza kontseilariaren lanetan diharduenak, José Andrés Burguete Torres, gaur aurkeztu ditu aurtengo udarako Nafarroako baso suteak prebenitzeko neurriak. Araudi honek araupetzen du sua erabiltzea landa inguruan, motorreko ibilgailuak baso pistetan zirkulatzea, makinak eta baso lanetako ekipoak menditzat sailkatutako lurraldeetan erabiltzea eta nekazaritza partzelan landatzea. Erregulazio horiek indarrean mantenduko dira eguraldiko baldintzak nabarmen aldatzearen ondorioz, eraginkortasunik gabe gelditu arte.
Horrela, eta araudi hau Nafarroako Aldizkari Ofizialean argitaratu arte, debekatzen da sua lurralde irekiko landa lurzoruan erabiltzea, honako baldintzen arabera:
- Lurralde irekiko landa lurzorutzat jotzen da eraikinetatik kanpo egiten dena; suak landa lurzoruan egin ahal izango dira eraikinetan, estalpetan edo gutxienez hiru horma eta eraikuntza materialeko lurzorua duten eraikuntza parametrotan, edo horren ordez, txinpartak kentzeko tximinia bat duten landarerik gabekoak.
- Sua erabiltzea debekatzen da zuhaitzez, zuhaixkez edo sasitzaz estalitako baso lurraldetan, larretan eta belardietan, baita horretarako gaitutako lekuetan ere, esate baterako, barbakoak edo sua egiteko den kanpoko edozein instalazio.
- Sua erabiltzea debekatzen da komunikazio bide ondoan kokatutako atseden gunetan, baita horretarako gaitutako lekuetan ere, esate baterako, barbakoak edo sua egiteko den kanpoko edozein instalazio.
- Debekatzen da baso aprobetxamendu edo oihaneko tratamenduetatik eratorritako baso hondakinak erretzea, nahitaezko arrazoi fitosanitoraiak direla eta, Ingurumeneko zuzendari nagusiaren Ebazpenaren bidez ontzat eman izan ezik.
- Edozein erreketa mota debekatzen da lehorreko nekazaritza lurzoruan.
- Material piroteknikoa landa lurzoruan erabiltzea debekatzen da, bere helburua edozein izanda ere. Aurreko debekualdiaz gain eta su artifizialen ikuskizun publikoak hiri lurraldeetan edo lurralde urbanizagarrietan egiten direnean, landa lurzorutik 300 metroa, honako prebentzio neurriak ezarriko dira: astebete lehenago Nafarroako Gobernuaren Barneko Zuzendaritza Nagusiari su artifizialak antolatuko diren eguna eta tokia jakinarazi behar zaizkio; SOS Navarra zerbitzuari (112 telefonoa) abisatu beharko zaio jarduera hasterakoan eta hura amaitzerakoan; eta edozein su edo sute atzemanez gero, SOS Navarra- Larrialdietako Nafarroako Agentziari berehala abisatu beharko zaio (112 telefonoa).
- Errekuntzan dauden objektuak edo sute bat eragin dezakeen edozein material botatzea edo uztea debekatzen da, baita zigarro puntak Nafarroako edozein komunikazio bidetatik doan ibilgailu batetik botatzea ere, bere sailkapena edozein izanda ere.
Bestalde, motorreko ibilgailuak baso pistatik zirkulatzea honela araupetuko da:
- Baso pistatzat joko da, Foru Agindu honen ondorioetarako, sendotua edo sendotu gabekoa, baso lurraldetik igarotzen den edozein bide. Ez dira baso pistatzat joko Nafarroako errepide sarearen barne hartutako komunikazio bideak.
Foru Aginduak, halaber, 13/1990 Foru Legean menditzat definitutako lurraldeetan, baso lanetan makinen eta ekipoen erabilera araupetzen du:
- Mendian erabiltzeko edozein makinak edo ekipok bete beharko ditu baso pistetatik ibiltzen diren ibilgailuei exijitzen zaizkien baldintza berdinak. Horretaz gain, makina astunekin lan egiten den lekuetan (bulldozer, skidder, mailu motosegak, etab.) gutxienez 10.000 litroko edukiera duen ur tanga bat eduki beharko da.
Bestalde, uztondoa duten nekazaritza erabilerako partzelen jabeek edo kultibadoreek, 4.4,4.1 edo 3.7 Tm/ha lehorreko batezbesteko etekina esleitu zaien udalerrietan, Nafarroako errepideko sarearen bide batekin, trenbide batekin edo 10 hektarea baino gehiagoko baso batekin mugatzen badute, lurra landatu ahal izango dute edozein unetan uzta bildu ondoren, Nekazaritza, Abeltzaintza eta Elikadura kontseilariak laster sinatuko duen Foru Aginduari jarraiki. Beraren bidez, ezarriko dira Nekazaritza Politika Arruntaren zuzeneko laguntzak jasotzen dituzten nekazariek bete beharreko nekazaritza eta ingurumeneko kudeaketaren baldintza legalak eta baldintza onak ezarriko dira.
Foru Agindu beraren arabera, landatutako partzeletan kokatutako lastategietan, inguruko banda bat landu beharko da, gutxienez lastategiko altuerarekin bat eginez, uzta bildu ondorengo 10 eguneko epean.
Ohiz kanpoko baimenak
Erromeriak edo jai tradizionalak
Erlezaintza
Kanpin mailako ostalaritza establezimenduak
Ohiz kanpoko moduan eta aurretik eskatuta lehorreko uztondoak erretzeko baimenak eman ahal izango dira
Uztondoak edo uzta hondakinak sail ureztatuetan bakarrik erre ahal izango dira
Koarentenako organismoak sustraitik desagerrarazteko jarduera ofizialei dagokienez, landare materiala erretzea baimendu ahal izango da, hura atera ondoren
Baimen hura eskuratzeko, Nekazaritza eta Abeltzaintza Zuzendari Nagusiaren Ebazpenaren bidez, kutsadura aitorpen egokia eta hartu beharreko neurriak aurretik ontzat eman behar dira.
- Dokumentazioa:
- Albiste osoa
