Castellano | Euskara | Français | English
Ezagutzera eman
Ikusi egun honetako albiste gehiago
Nafarroako Gobernuak 150.000 € eman dizkio UCAN elkarteari eman dizkio Kooperatiba Integrazioa Dinamizatzeko Bulegoaren jardueretarako
ostirala, 2007.eko abuztuak 3
Nafarroako Gobernuak, Nekazaritza, Abeltzaintza eta Elikadura Departamentuaren bidez, 150.000 euroko diru-laguntza eman dio Nafarroako Nekazaritza Kooperatiben Elkarteari (UCAN) Kooperatiba Integrazioa Dinamizatzeko Bulegoaren jarduerak 2007. urtean zehar garatzeko. Horrela, adierazi da Nekazaritza, Abeltzaintza eta Elikadura Departamentuko kontseilariak, Javier Echarte Echarte, UCAN elkartearen presidenteak, José Joaquín Pérez de Obanos Liso, gaur goizean sinatutako hitzarmen batean.
Echarte kontseilaria (eskuina) eta Pérez de Obanos, ekitaldiaren une batean.
(
irudia handitu
)
UCAN elkarteari Nafarroako nekazaritza kooperatiben interes orokorrak ordezkatzea eta defendatzea, bazkideen interesentzat egokiak diren zerbitzuak antolatzea eta, oro har, ordezkaritza, prestakuntza eta informazio eginkizunak burutzea dagokio. Hain zuzen ere, Dinamizazio Bulegoak, 2006. urtean abian jarrita, Nafarroako Gobernua eta UCAN elkartearen artean ondorio horretarako sinatutako hitzarmen baten arabera, aipatutako elkarteari integrazio jarduerak hedatzen, dinamizatzen eta sustatzen uzten dio, ahalik eta kooperatiba kopuru gehien inplikatzeko eta birmoldaketaren helburua benetako helburu bilakatzeko.
Hitzarmenaren helburua Bulegoaren jardueren garapenaren alde egitea da kooperatibak berregituratzeko prozesuetan, nahitaezko tresna baita kooperatibak berregituratzeko Jardueren Planaren multzoari lotutako bezeroen, gerenteen, gobernu organoen eta erakundeen hedapenerako, aholkularitzako eta prestakuntzarako.
Horretaz gain, hitzarmen hau batez ere sortu da Nafarroako nekazaritza kooperatibek eratutako eta Berregituratze Planak defendatutako integrazio proiektuen garapenaren alde egiten duten neurriak burutzeko. Horri dagokionez, Berregituratze Jardueraren Planaren eta hura sustatzeko ekimenen hedapena oinarrizko helburutzat jotzen da, hainbat fasetako kooperatiben bisiten bidez, prozesuarekiko aurre jarrera eta jarrera zundatzeko, integrazio aukerak aztertzeko, kasu zehatzak aztertzeko eta proposamenak aurkezteko, baita sektoreko erakundeekin, instituzioekin eta organismo eta elkarteekin bilerak egiteko ere, helburuak zabaltzeko, laguntzak biltzeko eta multzoaren ikuspegi orokorra osatzeko.
Horretaz gain, kooperatibek prozesuan parte hartzeko hedatze eta sentsibilizazio jarduerak dinamizatzearen eta sustatzearen alde egingo da, buruzagien eta sektoreko adituen bileren bidez, irizpideak, egutegiak eta helburuak ezartzeko, eta kooperatiben kasu zehatzak aztertzearen bidez, integrazio proiektuen probabilitateak neurtzeko.
Hauek dira aurreikusitako bestelako neurriak: kooperatiben erroldaren mantenua eta eguneratzea jardueren arabera; Jarduera Planaren exekuzioa hobetzeko proposamenak egitea; Jarduera Plana garatzeko helburuarekin proposatzen den araudi espezifikoari buruzko azterketa eta proposamenak; jarraipen batzorde mistoan, laneko talde teknikoetan eta kooperatibaren integrazioko batzorde teknikoan parte hartzea; eta Espainiako eta atzerriko beste esperientzien analisiak eta azterketak, kooperatiba integrazio proiektu arrakastatsuak edo ezartze fasean daudenak barne.
Helburu horiek lortzeko, hainbat jarduera garatu beharko da bulego fisiko baten lokalak egokitzeko eta moldatzeko, lana kokatzeko eta murgiltzeko, helburuak lortzeko langileak hornitzeko, eta integrazio prozesuetako prestakuntza eta aholkularitzari buruzko dokumentazioa gauzatzeko. Horri dagokionez, honako hauek diruz laguntzeko gastutzat joko dira: langileen gastuak, dietak eta mantenua barne; bulegoetarako lokalak moldatzearen gastuak, alokairuko gastuak, informatikako hornikuntza, bulegoko materiala, telefoniako gastu orokorrak, telekomunikazioa eta elektrizitatea, material suntsikorra eta prestakuntza jarduerei lotutako erreminta txikiak, hedapen materiala, aholkularitza aditua, eta askotariko ekintzen antolakuntzarekin lotutako gastuak, besteak beste, hitzaldiak, jardunaldiak edo megafoniako ikastaroak, txostengileak edo bertaratukoentzako materiala.
