Sanzberro kontseilariak Nafarroako Gobernuaren larrialdizko plana ezagutzera eman du abeltzaintza krisia dela eta asteartea, 2007.eko urriak 9

Landa Garapeneko eta Ingurumen Departamentuko kontseilariak gaur goizean Nafarroako Gobernuaren larrialdizko plana ezagutzera eman du, abeltzaintza sektoreko krisia dela eta, bereziki, pentsuen prezioetako igoerak eragin duena. Plan horrekin ustiaketak ez desagertzea eta ekonomia jarduera ez murriztea lortu nahi da, egoera horiek bideragarritasun ekonomikoko bestelako aukerak oso urriak diren zonaldetan erregistratzen direla kontuan hartuta.

Ardi haztegiak. ( irudia handitu )

Sanzberro kontseilariak aipatu du laboreen prezioetako krisiak adierazi duela elikagaiak hornitzeko kanpoaldearen menpe egoteak arrisku larriak ekartzen dituela eta "gure lehen mailako sektoreak elikagai seguruak eta kalitate onekoak ekartzen dizkigula, ustiaketak ingurumena errespetatuz eta animalienongizateko baldintzekin erabiliz gero, komunitate mailan". Adierazitako arrazoiez gain, (horien artean, esan bezala, Nafarroako landa zonaldeek bizirik irautearen helburua aurkitzen da), aipatu behar da Nafarroako Gobernuak "kontsumitzaile nafarrek izen handiko elikagaiak eskuratzen jarraitu ahal izatea nahi duela, hemen ekoiztuta, kalitate eta segurtasun berme handiekin".

Oro har, abeltzaintza sektoreari laguntzeko Landa Garapeneko eta Ingurumen Departamentuko plana bost taldetan egituratzen da, abeltzaintza mota guztietarako jarduera orokorrak, egoera larrienetan dauden ustiaketetarako laguntza zehatzak eta epe luzeagorako egiturazko laguntzak barne hartzen dituzten 18 neurrirekin. Hain zuzen ere, lehenengo taldeko neurriak abeltzaintza sektore orokorrari zuzentzen zaizkio eta fiskalitate murrizketan eta tasa murriztapenean oinarritzen dira. Bigarren taldea abeltzaintza sektore kaltetuenentzako zuzeneko larrialdizko laguntzetan datza (ardien eta txerrien ustiaketak, baita untxi-hazkuntza ere). Horri dagokionez, lehentasuneko ustiaketatzat katalogatutako edo Titulu Nagusiko Nekazaria den titularra duen motako ustiaketei emango zaizkie laguntzak. Laguntzak, gehienez, 3.000 eurokoak izango dira eta abenduan ordainduko dira. Aipatutako laguntzak 1.150 abeltzain baino gehixeagorengan aplikatu ahal izango dira.

Neurrietako hirugarren taldea gutxietsitako zonaldetan eta mendian kokatutako abeltzaintza ustiaketei eta kalitate eta ingurumen kudeaketako konpromiso espezifikoak gain hartuko dituzten abeltzaintza ustiaketei zuzentzen zaie. Gutxietsitako mendi zonaldetako kalte-ordainari dagokionez, abeltzain bakoitzeko batezbesteko igoera, 2008 eta 2013. urteen artean, 450 eurokoa izango da urtero.

Oro har, aipatu diren hiru ataletako neurri guztiak Nafarroako Gobernuaren bidez finantzatzen dira.

Laugarren taldeko neurriek egiturazko izaera mantentzen dute eta ustiaketen lehiakortasun egoera hobetu eta aldaketen aurrean egokitzeko margen eta gaitasun handiagoa eman nahi dute. Kapitulu honetan honako laguntza neurriak hartzen dira barne: kalitate izendapenen laguntza neurriak (Nafarroako Arkumearen eta Nafarroako Txekorraren AGBa), sustapen neurriak, abeltzaintza instalazio intentsiboetarako laguntza-ildo berri bat biosegurtasunean inbertsioak egiteko eta ingurumenean hobekuntzak sortzeko, ustiaketak modernizatzeko laguntzak (bertan aurrekontuaren %75 abeltzaintza ustiaketetan erabiltzen da) eta nekazaritza-elikadurako artisautzaren eta nekazaritzakoak eta nekazaritza-elikadurakoak ez diren jardueretako dibertsifikazioaren sustapena. Egiturazko neurriek, oro har, 15 milioi euroetatik gorako urteko diru-kopurua osatzen dute, abeltzaintza ustiaketei zuzenduta.

Azkenik, abeltzaintza sektoreko krisiari aurre egiteko planaren neurrietako bosgarren taldeak administrazioen eta erakundeen arteko elkarrizketa eta bitartekaritza jarduerak hartzen ditu barne eta, besteak beste, NBP-ren laguntzen aurrerakinean eta albaiteroaren ziurtagiria kentzean datza.

Dokumentazioa:: Planaren edukia.doc

Jar zaitez gurekin harremanetan | Erabilerraztasuna | Lege abisua | Webaren mapa