Castellano | Euskara | Français | English
Ezagutzera eman
Ikusi egun honetako albiste gehiago
Hezkuntza Departamentuak “Eskola lehiaketak 2007-2008” informazio liburuxka argitaratu du, euskararen sormena eskolan sustatzeko
ostirala, 2007.eko azaroak 2Ekimen hauetan 3.000 ikasle inguruk parte hartzen dute eta helburua da gelan ikasitako hizkuntza trebeziak garatzea
Hezkuntza Departamentuak “Eskola lehiaketak 2007-2008” informazio liburuxka argitaratu du, euskararen sormena eskolan sustatzeko.
Informazio liburuxkan bi ekimen mota biltzen dira: lehiaketak, material idatziak eta ahozko materialak saritzen dituztenak, eta eskola antzerkiko jarduerak. Frogatuta dago ekimen horiek, lehiaketak zein antzerkia, baliabide eraginkorrak direla A, B eta D ereduetako ikasleek garatu ditzaten gelan jasotako hizkuntza trebetasunak.
Lehiaketa arloan, ondoko hauek sartzer dira:
- Literatura lehiaketa. Narrazio eta poesia modalitateek helburu dute idazteko zaletasuna ikasleen artean sustatzea.
- Etnografiako "Jose Mª Satrustegi" lehiaketa. Helburua da euskarazko etnografia eta folklore gaiak biltzea, idaztea eta hedatzea, baita belaunaldi ezberdinak elkarrengana hurbildu daitezela bultzatzea. Lan hauek elkarrizketatuaren euskalkian edo hizkeran idatzi beharko dira.
- "Pedro Diez de Ulzurrun" lehiaketa. Hiru modalitate daude: deklamazioa, irrati gidoiak eta podcasten lehiaketa. Helburua da ahozko adierazpena eta irakurtzeko eta ahoskatzeko ohitura zuzenak bultzatzea.
- Bertsopaper lehiaketa. Helburua da ikasleen artean bertsozaletasuna sustatzea eta bertsolaritza ahozko literatura tradizionaleko genero gisa lantzea, hizkuntzaren erregistro ezberdinak aberasteko.
- Haur Kantarien Jaialdiak. Helburua da euskal kantuaren aldeko zaletasuna sustatzea, irakasleek arlo horretan egiten duten lanean laguntzea, irakasleei motibagarriak eskainiz musika pedagogian eta ahozko pedagogian.
Eskola antzerkia, berriz, Lehen Hezkuntzako hirugarren zikloko ikasleei eta Derrigorrezko Bigarren Hezkuntzako ikasleei zuzentzen zaie. Kanpainaren helburua da antzerki zaletasuna sustatzea eta antzerki zaletasuna duten ikasleen artean esperientzia-trukea bultzatzea eta eszenatoki errealetan jendaurreko esperientziak izatea.
Saritutako lanak Hezkuntza Departamentuak argitaratzen duen Lenarriak bilduman argitaratuko dira. Honi buruzko informazioa jasotzeko eta eskabideen inprimakiak jaisteko indarrean dago ondoko web gunea: http://www.pnte.cfnavarra.es/eibz/sustapena. Aurreikuspenen arabera, 3.000 ikasle inguruk parte hartuko dute jarduera hauetan.
