Castellano | Euskara | Français | English
Ezagutzera eman
Ikusi egun honetako albiste gehiago
Sanz presidenteak "Nuevas perspectivas y retos en el XXV aniversario del Amejoramiento del Fuero" liburua aurkeztu du ostirala, 2007.eko azaroak 9
Gaur goizean, Nafarroako Gobernuko presidente Miguel Sanzek "Nuevas perspectivas y retos en el XXV aniversario del Amejoramiento del Fuero" izenburua duen liburua aurkeztu du. Ekitaldian, presidentearekin batera egon dira lehen presidenteorde eta Lehendakaritza, Justizia eta Barne Departamenduko kontseilari Javier Caballero Martínez eta argitalpena zuzendu duen José Antonio Razquin Lizarraga.
Ezkerretik eskuinera, Javier Caballero, Miguel Sanz eta José Antonio Razquin.
(
irudia handitu
)
Liburua Nafarroako Gobernuak argitaratu du, Lehendakaritza, Justizia eta Barne Departamentuaren bidez. Bertan, goi mailako 16 legelarik Hobekuntzari estuki lotutako gaiei buruz eginiko lanak biltzen dira. Hobekuntza, beraz, oinarrizko tresnatzat hartzen da, eta, bide batez, Komunitatearen iraganean, orainean eta etorkizunean antolamendu juridikoa egituratzeko izan duen garrantzia nabarmentzen da. Hitzaurrean esaten den moduan, "aurrera egiteko eta garai berrietara egokitzeko gaitasuna izan du beti, bere sustraiak inoiz ahaztu gabe".
Hain zuzen, argitaratu berri den liburuak, 972 orrialde dituenak, honako gai hauei buruzko lanak biltzen ditu (parentesi artean artikuluen egileak aipatzen dira): "El Parlamento de Navarra" (Ángel J. Gomez Montoro eta Asunción de la Iglesia Chamarro); "El Gobierno de Navarra" (Ildefonso Sebastián Labayen); "La Administración de la Comunidad Foral de Navarra" (José Contreras López); "La administración Local de Navarra" (José Antonio Razquin Lizarraga); "La Cámara de Comitos de Navarra" (Luis Orodoki Urdazi); "Derechos y deberes de los ciudadanos navarros. El Defensor del Pueblo de la Comunidad Foral de Navarra" (Francisco Javier Enériz Olaechea); "El Consejo de Navarra y la función consultiva" (Enrique Rubio Torrano); "La Administración de Justicia en Navarra" (Juan Manuel Fernández Martínez); "Las competencias de Navarra " (Juan Cruz Alli Aranguren); "El Convenio Económico y los impuestos estatales no convenidos" (Eugenio Simón Acosta); "El Derecho Civil Foral de Navarra" (María Ángeles Egusquiza Balmaseda); "Políticas de Salud y de Bienestar Social" (Juan Luis Beltrán Aguirre); "Políticas de Medio Ambiente y Ordenación de Territorio y Vivienda" (José Francisco Alenza García); "Navarra y los nuevos modos de hacer política" (Alberto Pérez Calvo); y "Reforma del Amejoramiento" (Martín María Razquin Lizarraga).
Sanzek esan duenez, "Nafarroako Gobernuak, eginiko hainbat ekitaldiren bidez, nafar guztiekin batera partekatu nahi izan du Lege honen (LORAFNA) garrantzia. 1982an, Nafarroak eta Estatuak sinatutako hitzarmenaren emaitza den Legea, indarrean egon den hogeita bost urteetan, Foru Komunitatearen esparru juridikoa izan da, eta, horrez gain, ongizateari dagokionez, Nafarroako historian aurrekaririk gabeko hazkundea eta garapena ekarri ditu. Halaber, Foru Komunitatearen estatusa Espainiako nazioan finkatzen lagundu du."
Presidentearen azken hitzak aurkeztutako liburuari buruzkoak izan dira: "Ez da bultzada erromantiko soila; aitzitik, nafarren borondateak eraikitako errealitate politiko eta instituzional trinko baten berri ematen du, eta oraina ez ezik, etorkizunean jarraitu beharreko bidea ere zehazten digu. Izan ere, nafarrok Espainia konstituzionalean Foru Komunitate gisa egoteko hautatu dugun eredu politikoa da, eta etorkizunari aurre egiteko dugun tresnarik onena. Halaber, Nafarroak, hiritarren bultzadari esker, ekonomia eta gizartearen alorretan punta-puntako eskualde konprometitua eta solidarioa izaten jarraituko duela bermatzen du".
Aipatutako obra aurkezteko ekitaldian, liburuaren zuzendari lanak egin dituen José Antonio Razquinek ere parte hartu du. Berak nabarmendu duenez, liburuki horren xedea Hobekuntzaren oinarrian dauden gai nagusiak aztertzea da, ikuspegi instituzional eta sistematiko baten arabera. Horretarako, ikerketak honako hiru multzo nagusi hauetan bildu dira: lehendabizi, Nafarroako foru erakundeak -Hobekuntzan arautu gabe dauden erakundeak barne (Nafarroako Kontseilua eta Arartekoa)-, Toki Administrazioa eta Nafarroako Justizia Administrazioa. Aztergai den bigarren multzoa Nafarroako eskumenek osatzen dute. Hirugarren multzoan, berriz, Nafarroak Europar Batasunean duen kokalekua eta Foru Hobekuntzaren berrikuntza aztertzen dira.
Aurkeztutako liburuaren 1.500 ale argitaratu dira, eta Nafarroako Gobernuaren Argitalpen Funtsean eta liburu dendetan salduko da, 15 euroren truke.
