3,675 milioi euroko diru laguntza emateko baimena eman du Gobernuak, haur hezkuntzako 0-3 zikloko 13 ikastetxetako lanak finantzatzeko astelehena, 2007.eko abenduak 10

Gobernuak baimena eman du, hitzarmen bidez, 675 milioi euroko diru laguntza emateko, 2007ko ekitaldian, haur hezkuntzako 0-3 zikloko 13 ikastetxetako lanak finantzatzeko.

Ikastetxeak honako udalerri hauetan daude: Andosilla, Arguedas, Baztan, Castejón, Zizur Txikia, Cintruénigo, Funes, Garinoain, Milagro, Noain, Iruñea (bi ikastetxe: Azpilagaña eta José María Huarte) eta Tutera (Ntra. Sra. de Lourdes).

Jakina denez, Hezkuntza Departamentuak diru laguntzak ematen dizkie 2007an haur hezkuntzako 0-3 zikloko ikastetxeak eraikitzen hasi diren toki erakundeei, gisa horretako ikastetxeak sustatzearren.

Nafarroako Gobernuak emandako diru laguntza orokorrean, hiru egoera bereiz daitezke.

Hasteko, lanak amaitu dituzten toki erakundeak daude (oinarri arautzaileetan eskaerak aurkezteko ezarritako epeak bete dituztenak). Egoera horretan daude Arguedas, Castejón, Cintruénigo, Funes, Garinoain eta Iruñea (Azpilagaña auzoan berriki estreinatu duten ikastetxea eta José María Huarte Ikastetxe Publikoa birmoldatzeko lanak). Aipaturiko toki erakundeek gehienez ere inbertsioaren %65aren %100 jasotzen dute, baimendutako gehienezko azaleraren eta ezarritako moduluaren arabera.

Bestetik, eraikuntza lanak hasi dituzten toki erakundeak daude (esleitutako zenbatekoaren %50etik gora egin dutela frogatu dutenak, hain zuzen). Egoera horretan daude Noain eta Baztango Udalak. Toki erakunde horiek gehienez ere inbertsioaren %65aren %50 jasotzen dute, baimendutako gehienezko azaleraren eta ezarritako moduluaren arabera.

Amaitzeko, eraikuntza lanak hasi dituzten Udalak daude (zuinketa akten bidez lanak hasi dituztela froga dezaketenak). Talde horretan daude Andosilla, Zizur Txikia, Milagro eta Tutera. Kasu horretan, gehienez ere inbertsioaren %65aren %25 jasotzen dute, baimendutako gehienezko azaleraren eta ezarritako moduluaren arabera.

Dokumentazioa:: Berri osoa.doc

Jar zaitez gurekin harremanetan | Erabilerraztasuna | Lege abisua | Webaren mapa