Castellano | Euskara | Français | English
Ezagutzera eman
Ikusi egun honetako albiste gehiago
BEZaren legea aldatu da %7ko tasa murriztua duten eraikin-errehabilitazio kasuak handitzeko xedez
astelehena, 2008.eko maiatzak 26Nafarroako Gobernuak legegintzako foru dekretua onetsi du, Balio Erantsiaren gaineko Zergari (BEZ) buruzko abenduaren 30eko 19/1992 Foru Legea aldatzen duena, eraikinen errehabilitazio kontzeptua handitzeko xedez. Neurri honen bidez, onuradun kopuru gehiagoarengana hedatuko da %7ko tasa murriztua, %16 ordaintzeko ordez.
Neurria hartu izan da Estatuarekin tributuak harmonizatzeko eta haren helburua da foru araudia egokitzea, jarduera ekonomikoa bultzatzeko neurrien apirilaren 21eko 2/2008 Errege Lege Dekretuan sartutako aldaketak kontutan hartuta. Aipatu Errege Lege Dekretua eraikuntza jarduera erraztea da eta hazkuntza ekonomikoa eta enplegua bultzatzea.
Aldaketa nagusiak
Aldaketak eraikin errehabilitazio kontzeptuari dagozkio hiru aspektu zehatzetan.
Lehenik, eraikinen zoruaren balioa ez da kontutan hartuko errehabilitazio obraren osoko kostuak eraikinaren balioaren %25a gainditzen duen zehazteko. Aipatu portzentajea eskatzen den gutxieneko muga da %7ko tasa murriztua aplikatu ahal izateko. Azken urteotan izandako lurzoruaren prezio igoera garrantzitsuak igoera nabarmena ere ekarri du tasa murriztua aplikatzeko errehabilitazioek izan behar zuten aurrekontu gutxienezkoan.
Bigarrenik, modu zehatzagoan finkatzen da eraikinen balioa, errehabilitazio operazioen kostuarekin konparatzeko erabiltzen dena. Gaur egun, erosketa prezioa eta benetako balioaren kontzeptuak erabiltzen dira. Aurrerantzean, benetako balioaren ordez “merkatuko balioa” erabiliko da.
Azkenik, Argi eta garbi ezartzen da zein kasutan errehabilitazio kostua alderatuko den eraikinaren erosketa prezioarekin eta zeinetan eraikinaren merkatuko balioarekin. Lehenbiziko hipotesia aplikatuko da eraikina errehabilitazio obrak hasi aurreko bi urteetan zehar erosi denean. Bigarren alderaketa aplikatuko da erosketa aipatu diren aurreko bi urte horiek baino lehenago egiten denean eta merkatuko balio izanen da errehabilitazio obrak hasten diren momentuan eraikinak izanen duena.
