Catalan kontseilariak, "XX Dia del Navarro Ausente" dela eta datorren larunbatean Fiteron ospatuko diren ekitaldien programa aurkeztu du asteazkena, 2008.eko maiatzak 28

Erakundeekiko Harremanetarako eta Gobernuaren Eledun Alberto Catalán Higueras jaunak XX Día del Navarro Ausente dela-eta datorren larunbatean (maiatzak 31) Fiteron ospatuko diren ekitaldien programa aurkeztu du, gaur goizean. Hori dela eta, berak ordezkatzen duen Departamentuak 45.000 euroko laguntza emango duela adierazi du (iaz baino 6.000 euro gehiago); horren arabera "argi dago Nafarroako Gobernuak Nafarroako Etxeen Federazio Nazionalak egindako lan eta jarduerei laguntza ematen diela."

Fiteroko Monasterioa.

Ekitaldi informatibo horretan, kontseilariarekin batera izan dira Fiteroko alkate Francisco Javier Yanguas jauna, eta Federación Nacional de Hogares Navarros elkarteko idazkari Vicente Goñí Navarro jauna eta, bertan, datorren maiatzaren 31n Fiteron izango diren ekitaldiak azaldu dira. Hona hemen egun horretarako aurreikusi diren ekitaldiak:

8etan : aurora-erronda herriko kaleetan zehar, Fiteroko "Auroros" taldearen eskutik.
9etan : Dianak herriko kaleetan, Fiteroko musika-bandaren eskutik (zuzendaria: Eugenio Irigaray).
10,30ean San Raimundo Pasealekuan: herri-merkatua; bertako produktuen salerosketa eta dastatzerako merkatua, herriko talde, enpresa eta kooperatibek eskainita; Nafarroako artisau-elikagaien merkatua, eta jolas-tailerrak (tradizionalak, haurrentzako jolasak eta beira haizatzekoak).
11etan : Meza, Fiteroko Santa Maria de la Real abesbatzak abestuta (zuzendaria: Elvira Guarás), Santa Maria de la Real Elizan. Meza ostean, kalejira Udaletxera arte; bertatik aterako da Fiteroko Erraldoi eta Buruhandien Konpartsa.
12etan : agurra, Fiteroko Udalean. Alkateak, ongi etorria emango die ekitaldietara gerturatu diren guztiei; ondoren, Burgosko Nafarroako Etxeko presidente Salvador Torres jaunak suziri tradizionala piztuko du.
13ean , Malvas Plazan: Fiteroko Musika Bandaren kontzertua, Eugenio Irigaray jaunaren zuzendaritzapean.
14,30ean udal-frontoian (Eskola Publikoaren ondoan), bazkalostea, "Dj Buru" taldearekin; opariak zozketatuko dira.
18etan: entzierroa, ohiko ibilbidean zehar, eta zezenak.
18,45ean , zezen plazan: sokamuturra, zezenak (rekortadoreak, saltoak, anillak...), herriko "Casta Ribera" taldearen emanaldia eta Fiteroko Udalak antolaturiko zezen-ikuskizunak (Larragako Ángel Macua-ren oinordekoen zezenak)
19,30etan: : "Mendianike" dantza taldearen eta Ablitas gaitarien desfilea, zezen plazatik hasi eta elizara. Ondoren, "Mendanike" taldearen emanaldia, elizako plazan.

Bestalde, zehaztu beharra dago datorren maiatzaren 31n bisita gidatuak izango direla Fiteroko monasteriora, 12etatik 14etara, eta 17,30etik 19,30era. Gehitu beharra dago, baita ere, 10etatik 14etara eta 17,30etik 21etara zonaldeko artisautza-pieza etnografikoei buruzko erakusketa zabalik izango dela, Abade Liburutegian; erakusketa hori pasa den maiatzaren 23an inauguratu zen. Bertan, bi elementu talde daude ikusgai: lanabesak eta karrozak, eta Jesús Sanz eta Carmelo Fernández dira egileak, hurrenez hurren. Egun horretarako antolaturiko programarekin bukatzeko, beste bi ekitaldi antolatu dira maiatzaren 30erako: "Signos e imágenes históricas en la identidad de Navarra" izeneko konferentzia, 20etan, Ricardo Fernández Gracia-ren eskutik, eta Cintruénigoko hiriari egindako omenaldia.

Dokumentazioa:: Berri osoa.doc

Jar zaitez gurekin harremanetan | Erabilerraztasuna | Lege abisua | Webaren mapa