Castellano | Euskara | Français | English
Ezagutzera eman
Ikusi egun honetako albiste gehiago
Rubén Fuertes Peralta Euskarabideako Aholkularitza eta Ikerketarako Zerbitzuko zuzendari izanen da
astelehena, 2008.eko abuztuak 25
Nafarroako Gobernuak Rubén Fuertes Peralta Euskarabideako Aholkularitza eta Ikerketarako Zerbitzuko zuzendari izendatu du. Euskarabidea, jakina denez, Hezkuntza Departamentuaren mendeko erakundea da.
Rubén Fuertes Iruñean jaio zen, 1977ko abenduaren 5ean. Lehen Hezkuntzako irakasle diplomaduna da (NUP), eta euskara irakasle aritu izan da honako ikastetxe hauetan: San Adriángo Alfontso X.a Jakintsua ikastetxe publikoan (A ereduan), 2003-04 ikasturtean eta 2005etik 2007-08 ikasturtera arte; eta Cintruénigoko Otero de Navascués ikastetxe publikoan, 2004-05 ikasturtean. 2003a baino lehen ere irakasle aritu zen, Zizur Nagusiko ikastetxe publikoan eta Iruñeko Azpilagañan.
Helduei ere eman izan dizkie euskarazko eskolak. Irakaskuntzari, teknologia berriei eta euskara irakasteko metodologiari buruzko ikastaro espezializatuak egin izan ditu.
Gaur egun, Euskara, Kultura, Gazteria eta Jaien zinegotzia da, San Adriángo Udalean (Alderdi Independentea).
