Castellano | Euskara | Français | English
Ikusi egun honetako albiste gehiago
Nafarroako Osasun Zerbitzuak aplikazio berria gehitu dio Historia Kliniko Informatizatuaren sistemari
osteguna, 2008.eko irailak 4Osasun kontseilaria Lizarrako García Orcoyen Ospitalean izan da, gaur goizean, tresna berri honen aurkezpenean. Ahotsa ezagutzen duen baliabide berri honi esker, osasun arloko profesionalek zuzenean sar ditzakete beraien oharrak Historia Kliniko Infomatizatuan, Nafarroako osasun-sare publikoko erabiltzaileen historian, alegia.
Atondo doktoreak aplikazio berriaren funtzionamendua erakusten du Kutz kontseilariak eta Marisa Hermoso de Mendozak, García Orcoyen Ospitaleko zuzendariak, adi begiratzen duten bitartean.
(
irudia handitu
)
Nafarroako Osasun Zerbitzuak (Osasunbidea) aplikazio informatiko berria erabiltzeari ekin dio; horri esker medikuek, beraien ahotsaren bidez, zuzenean sartu ahalko dituzte Nafarroako osasun-sare publikoko erabiltzaile guztiek duten Historia Kliniko Informatizatuari (HKI) buruzko ohar eta datuak, kontsultako ordenagailuan.
Osasun kontseilari María Kutz Peironcely andrea Lizarrako García Orcoyen Ospitalean izan da, gaur goizean, aipatu baliabide berriaren aurkezpenean. Ospitale horretan froga gisa erabiltzeari ekin bazaio ere, tresna hori instalatuta dago, dagoeneko, SNS-O zentroetan. Lizarrako Ospitaleko zuzendari Marisa Hermoso de Mendoza andrea izan da aurkezpena egiteko arduraduna.
Historia Kliniko Informatizatua, Nafarroako Osasun Zerbitzuaren erabiltzaile guztiei dagokien osasun-historiaren euskarri digitala da. Sistema horri esker, beharrizana duen medikuak edozein pazienteren historia klinikoa eskuratu dezake, uneoro.