Nafarroako mahastien bilakaera kontuan hartuta, badirudi aurtengo uzta kalitate onekoa izanen dela asteazkena, 2008.eko irailak 17

Nafarroako mahastien bilakaera kontuan hartuta, badirudi aurtengo uzta kalitate onekoa izanen dela. Horixe bera adierazi du Nafarroako Mahastizaintza eta Enologia Zentroak (EVENA, Estación de Viticultura y Enología de Navarra), Landa Garapen eta Ingurumen Departamentuko erakunde autonomoak.

EVENAren arabera, "Nafarroa" Jatorrizko Deituraren zein "Errioxa" Jatorrizko Deituraren babespean dauden lurralde eremuetako mahatsa behar bezala ari da heltzen, 2007arekin alderatuz gero gutxi gorabehera astebeteko atzerapenarekin badator ere. Azkeneko asteetan euri dezente egin du, eta ondorioz, mahats mordoen pisua zertxobait handitu da eta garraztasuna, berriz, txikitu (azidoak guztira eta azido malikoa).

Laburbilduz, parametro analitikoak oso orekatuta daude, eta egokiak dira mahatsa kalitate onekoa izateko. Mahatsa, gainera, osasun egoera onean dago.

Bestalde, EVENAk adierazi duenez, Erribera Behean dagoeneko hasi dira mahatsa biltzen; "ale xeheko moskatela", "Chardonnay" eta "Merlot", hain zuzen.

Atxikita dituzue Nafarroako eremu bakoitzeko taulak, eta horietan honako hauek daude adierazita: laginak zer herri eta parajetan hartu dituzten, zer mahats mota hartu duten, pisua, graduak (aurreikuspena), guztizko garraztasuna (tartarikoa), eta azido malikoa.

Dokumentazioa:: Datos Ribera Alta; Datos Ribera Baja; Datos Tierra Estella; Datos Valdizarbe; Datos Baja Montaña; Datos D.O.C Rioja

Jar zaitez gurekin harremanetan | Erabilerraztasuna | Lege abisua | Webaren mapa