Castellano | Euskara | Français | English
Ezagutzera eman
Ikusi egun honetako albiste gehiago
Azaroan pertsonak gizarteratzeko eta laneratzeko taldeak (EISOL) jarriko dituzte abian Iruñeko eskualdeko, ipar-ekialdeko eta ipar-mendebaldeko lehen mailako artapeneko eremuetan ostirala, 2008.eko azaroak 7
Nafarroako Gobernuak, Gizarte Gaien eta Garapenerako Lankidetzaren Zuzendaritza Nagusiaren bidez, pertsonak gizarteratzeko eta laneratzeko zerbitzua jarriko du abian, azaroan, Iruñeko eskualdeko, ipar-ekialdeko eta ipar-mendebaldeko lehen mailako gizarte zerbitzuetan.
Zehazki, honako leku hauetan jarriko dute abian zerbitzua: Aranguren, Barañáin, Burlata, Berriozar, Egues, Uharte, Noain, Orkoien, Atarrabia eta Zizurko oinarrizko eskualdeetan (Iruñeko eskualdea); Auritz, Izaba, Itzaga (Agoitz), Zaraitzu eta Zangozako oinarrizko eskualdeetan (ipar-ekialdea); eta Altsasu, Doneztebe, Etxarri Aranatz, Elizondo, Irurtzun, Leitza, Lesaka eta Ultzamako eskualdeetan (ipar-mendebaldea).
Hala, pertsonak gizarteratzeko eta laneratzeko zerbitzua Nafarroako gizarte zerbitzuetako eremu guztietan (Lizarra, Iruñea, Tafalla, tutera, Iruñeko Eskualdea, Ipar-ekialdea eta Ipar-mendebaldea) abiatzeko prozesua amaitutzat eman daiteke.
Pertsonak gizarteratzeko eta laneratzeko zerbitzua diziplina anitzeko taldeek eskaintzen dute, eta honako xede orokor hau du: baztertuta dauden eta hobetzeko moduko lan egoera duten pertsonak gizarteratzen eta laneratzen laguntzea, banan-banako gizarteratze prozesua gidatzea eta babestea, eta pertsonen enplegagarritasuna hobetzea. Zerbitzuaren onuradunak 18-65 urteko pertsonak dira, langabeak edo lan egoera txarrean daudenak, eta lana eskuratzea oztopatzen duten trebetasun gabeziak dituztenak.
Pertsonak gizarteratzeko eta laneratzeko taldeen (EISOL) eginkizunak gizartearen eta hezkuntzaren arlokoak dira, eta hortaz, taldeak gizarte langile eta hezitzaileek osatzen dituzte. Hain zuzen ere, eskaintzen dituzten zerbitzuak honako hauek dira: pertsonen artapena, kasuen balioespena, gizartearen eta lanaren arloko diagnosiak, kontratu bidezko esku-hartze artikulatua, gizarte laguntza, eta kasuen kudeaketa.
