Castellano | Euskara | Français | English
Ezagutzera eman
Ikusi egun honetako albiste gehiago
Alba kontseilariak zuzendu du Nafarroako Taxi Kontseiluaren eraketa
asteartea, 2009.eko otsailak 24
Lankidetza eta kontsultako organo iraunkorra da, zerbitzu horien erabiltzaileen alde eta erabiltzaileentzat lan egingo duena, zerbitzua eskaintzeko baldintzak eta kalitatea hobetzen eta sektorea bultzatzen
(
irudia handitu
)
Herri Lan, Garraio eta Komunikazio kontseilaria den Laura Alba Cuadrado izan da Nafarroako Taxi Kontseilua eratzeko lehen bileraren buruan. Organo horretan, honako erakunde hauek ordezkatuta daude: Nafarroako toki erakundeak, Iruñerriko Mankomunitatea, sektoreko toki erakundeak (AITAN, Teletaxi eta Tuterako Taxien Elkartea), kontsumitzaileen eta erabiltzaileen erakundeak (Iratxe eta Etxekoandreen Elkartea) eta Nafarroako Minusbaliatuen Ordezkarien Batzordea (Cormin).
Taxiaren Kontseilua sortu da Administrazioarekin lan egiteko asmoarekin, taxi-zerbitzuen baldintzak pixkanaka hobetze aldera. Departamentuaren helburua da, eratzeko lehen bileratik aurrera, organoak sektorearentzat eta erabiltzaileentzat eta sektorearen eta erabiltzaileen alde lan egitea, garraio publikoaren zerbitzu horiek egunetik egunera hobetzearren.
Modu horretan, organoaren funtzioak ondorengoak izango dira: kontsulta-organo gisa jardutea taxiaren sektorearen eta gai horretan eskudunak diren administrazioen artean; taxi-zerbitzuak eskaintzeko baldintzak pixkanaka hobetzeko laguntza ematea eta erabiltzaileek taxia gero eta gehiago erabiltzea bultzatzea; administrazio eskudunei aurkeztea Nafarroan sektorea hobetzeko egokiak jotzen dituen proposamen eta iradokizunen gaineko txostenak; eta, azkenik, nahitaezko txostena egitea taxiaren Foru Legean aurreikusitakoaren arabera.
Bileran jorratutako gaiak
Lehen bilera honetan, kontseilua eratu eta kideak aurkeztu ondoren, hainbat gai jorratu dira; tartean, demandaren arabera taxiaren zerbitzu erregularrak kontratatzea, banako ordainketarekin, Gesalatz, Lezaun eta Deierriko Udaletan. Departamentuaren asmoa da proiektu hori abian jartzea datorren udaberria baino lehen. Proiektuak kontseiluaren nahitaezko txostena behar zuen, eta gehiengoarekin aldeko txostena egin da.
Era berean, hiru eskaera jorratu dira Nafarroako hiru udalerritarako taxi-lizentzien indize orokorra aldatzeko. Hain zuzen ere, kontseilua eratzen den unetik aurrera, departamentura taxia eskatzen duten herri guztientzat, hots, 4.000 biztanle baino gutxiago dituztenentzat, taxia eman edo ukatu baino lehen, Kontseiluak txostena egin beharko du.
- Dokumentazioa:
- Albiste osoa
