Ikusi egun honetako albiste gehiago
Ikerketa bekak emateko ekitaldian Catalan kontseilaria izan da buru
osteguna, 2009.eko urriak 29
Nafarroako Gobernuak 2,2 milioi euroko diru-laguntza eman die 34 ikertzaileri
Ikerketa bekak emateko ekitaldian Catalan kontseilaria izan da buru.
(
irudia handitu
)
Gobernuak ikertzeko eta mugitzeko bekak eman dizkie gaur ikertzaileei, urtero bezala, eta ekitaldiko burua Hezkuntza kontseilaria, Alberto Catalan Higueras, izan da. Aurten, 2,2 milioi euro eman dizkiete 34 ikertzaileri.
Ekitaldia Nafarroako Jauregiko Tronu Aretoan egin dute eta bertaratu dira Lanbide Heziketa Unibertsitate arloko zuzendaria nagusia, Pedro Gonzalez Felipe, eta Nafarroako Unibertsitate Ikerketa errektoreordea, Luis Montuenga Badia.
Catalan kontseilariak esan du Hezkuntza departamentuaren Ikertzeko Laguntzen Planak 25 urte bete dituela aurten eta denbora horretan 1.000 ikertzailerentzako eta 530 proiektuetarako laguntzak banatu dituztela. Horren harian, I+G arloari buruzko datuak ere gogoratu ditu: "Nafarroan, 1987an, BPGren %0,51 erabiltzen genuen I+G alorrerako, 2000. urtean %0,92 eta aurten %2”.
Aurten laguntzak jaso dituzte 20 ikertzaile gaztek, doktore prestakuntzarako eta tesia egiteko, lau urtean; hamar doktorek, ikerketa proiektuak egiteko (horietatik zazpi atzerriko unibertsitateetan arituko dira: lau AEBetan eta beste hiru Australian, Suitzan eta Alemanian; eta lau ikertzaile bikainek, Nafarroako I+G+B sistemako ikerketa zentroetan sartzeko.
Beka horiek Hezkuntza departamentuaren Prestakuntza, Ikerketa eta Garapen Planaren barruan daude eta hiru jarduera ildo osagarritan daude antolatuta: doktorego aurreko bekak, doktorego ondoko bekak eta unibertsitate eta ikerketa zentroetan ikertzaileak kontratatzeko bekak.
Gehiago irakurri:
Ikusten ari den informazioa Nafarroako Gobernuak emandako prentsa-ohar osoaren bertsio bat da, online komunikabiderako egokitua.
- Dokumentazioa:
- Audioa
- Bideoa
- Listado de personas beneficiarias