Castellano | Euskara | Français | English

Bilatzaile erabili!

Ikusi egun honetako albiste gehiago

Sanz presidenteak hasiera eman dio Txertaketako Espainiako Elkartearen bosgarren Kongresuari osteguna, 2009.eko azaroak 5

Larunbatera arte izango da eta txerto, horien aplikazio eta aurrerapenen nazio eta nazioarte mailako adituak bilduko ditu

Nafarroako Gobernuko presidenteak, Miguel Sanz Sesma jaunak, gaur goizean hasiera ofiziala eman dio Txertaketako Espainiako Elkartearen bosgarren Kongresuari, azaroaren 7 arte izango dena Iruñeko Baluarte Kongresu-Jauregi eta Auditorioan. Kongresuaren inaugurazioan ondokoak ere izan dira: Iruñeko alkatea, Yolanda Barcina Angulo; osasun-kontseilaria, María Kutz Peironcely; antlakuntza-batzordeko presidentea eta saileko Osasun Publikoko Epidemiologiako nagusia, Aurelio Barricarte; eta Txertaketako Espainiako Elkartea, José María Bayas.

Txertaketako Espainiako Elkartearen bosgarren Kongresua txertoen eta horien aplikazioaren eremuan nazio eta nazioarteko adituak Iruñean bilduko dituen bilera zientifikoa da; halaber, farmazia-industriak izandako aurrerapena nagusiak ere jorratuko ditu. Sanz presidentearen esanetan, “osasun publikoa bermatzen duten” profesionalen kongresua da. 

Bere mintzaldian, Sanz presidenteak laburki Foru-Erkidegoan txertaketa-gaian izandako aurrerapenak adierazi ditu. Eboluzio hori ilustratzeko, azpimarratu du, indarrean den egutegiaren arabera erabat txertatutako ume nafar bakoitzeko, Nafarroako administrazio-sanitarioak 1999an 109 euro gastatzen zituela. Gaur, hamar urte ondoren, ume baten erabateko txertaketak 301 euroko gastua du, 526 gehiago neskatoen kasuan giza-papilomaren txertaketa dela eta.

Sanz presidenteak errepasatutako txertaketa eremuko gertaera gogoangarriei dagokienez, aipatzekoa 200. urtean C meningokokoaren aurkako txertaketa sartu izana, “germen horrek eragindako meningitis kasuak izugarri murriztu” zituena, adierazi duen bezala, “txertatutakoetan eta txertatu gabeko helduetan ere bai”, txertoak eragindako babes kolektiboa dela eta.
 
Foru-Erkidegoko txertaketa-eremuko beste une garrantzitsu bat ondokoa da: 2004. urtean, mota difteria, tetanoak eta mota zelularreko txakur eztula eta ahozko difteria txertaketaren ordez, difteria, tetanoak eta txakur eztula mota azelularreko eta polio injektagarria txertaketa ezartzea. Era horretan, txerto-egutegiak segurtasuna irabazi zuen; izan ere, txerto-poliomelitisa ekidin eta txakur eztularen osagai zelularraren kontrako eraginak murriztu ziren. Horrez gain, urte berean, 2004an, Foru-Erkidegoan, lehen aldiz Espainian, 14 urterekin barizelaren aurkako txertaketa ezarri zen gaixotasuna jasan ez zutenentzat.

Bestalde, 2007. urtean, Nafarroako Txertaketa-Egutegi Ofizialean barizelaren sartu zen, hiru urte eta hamabost hilabeteko adinean, eta neurri horrek azken hiru urteetan gaixotasuna %80 murriztea lortu du 5 urte baino gutxiago dutenetan eta %64an 20 eta 64 urte bitarteko helduen intzidentzian, txertoak eskainitako babes kolektiboa dela eta.

Gainera, 200. urte amaieran giza-papilomaren aurkako birusaren txertaketa unibertsala ezarri zen, 12-13 urterekin, DBHko 1. mailan, 1995eko urtarrilaren 1etik aurrera jaiotako neskato guztientzat, 2007-2008 ikasturtean gauzatu zen neurria. Horrez gain, hiru ikasturteetan zehar, aurretiaz txertatu ez diren 15-16 urteko neskatoak txertatuko dira. Sanz presidenteak azpimarratu du, era horretan, Nafarroa “lehen erkidegoa izan dela giza-papilomaren birusaren aurkako txertoa sartzen”, aldi berean bi talde immunizatuta.

Azkenik, Presidenteak herritarrei “erabateko kalitateko” baldintzetan txertoak eskaintzeko “erantzukizun publikoa” gogorarazi du; izan ere, neurri handi batean morbilitatea eta gaixotasun desberdinek eragindako hilkortasuna murrizten dute. Zehazki, gogoratu duen bezala, “nafarreria mundu mailan erauzi da; poliomelitisik jada ez da gure inguruan eta elgorria kentzeko prozesuan gaude”. 

Dokumentazioa:

Discurso del Presidente Sanz

Jar zaitez gurekin harremanetan | Erabilerraztasuna | Lege abisua | Webaren mapa