Nafarroan izaerak eta emozioak badute bere irudia. Aitzinera ere euren errezintoa izanen dute. Nafarroako Zirkuitua.

Nafarroako Komunitatean, Iruñetik 60 kilometrora eta estrategikoki kokatua, egundoko konplexu ludikoa dugu, motorraren munduko profesionalen gutiziak betetzeko behar diren zerbitzu eta instalazioez ederki hornitua. Bertan gozatzeko aukera paregabea izanen dute zaletuek eta oro har kirola maite dutenek.

Autobiaz konexio bikainak ditu eta aireportu garrantzitsuak, bai eta Bilboko eta Santanderreko itsas portuak ere ditu gertu. Horri guztiari esker asko erraztuko dira nazional zein nazioarte mailako konexioak, sei milioi pertsona baino gehiagorentzat Los Arcosen dagoen Nafarroako Zirkuitua gune erakargarria eta heltzeko erraza bilakatuz.

Aurreikusia dagoenez, instalazio hauek 2010eko ekainean zabalduko dira; baina, jada errealitate bat da, lanen aurrera egitea ikusita, datorren udarako zirkuitua prest egonen dela ziurtatzeko aukera ematen digutelarik. Lan talde guzti guztiak gogotik ari dira lanean Nafarroako Zirkuitu handi hau osatzen duten tarte oro osatzeko.

“Nafarroako Zirkuitua motorrentzako B graduko lehiaketak eta autoentzako D1eko 2. graduko lehiaketarako 4 kilometroko abiadura pista homologatua duen bakarra izanen da Espainiako ipar-ekialde osoan. Honi gehituz gero bertan urtea nia 290 egunez klimatologia bikaina, euririk gabeko egunak izan ohi direla, jada ziurtatu dezakegu gure hau nazioarte mailan erreferente bilakatuko dela”.

41.000 metro karratuko Padock zoragarri baten bukaeran kokatzen da eraikin nagusia. Bertan 100 metro karratu baino gehiagoko 32 box geldiune, zirkuitu nagusiaren helmugara begira dagoen terraza duten 17 hospitaliti aretoak, prentsa aretoak, ikasgelak, zentro medikua, heliportua eta instalazioa identifikatzen duen kontrol dorrea topatuko dugu. Motoreekin zerikusia duen edozein ekitaldi eta erregional mailan, nazio mailan zein nazioartekoan motoen nahiz autoen lehiaketak burutzeko beharrezkoa den guztia.

Hala ere, Nafarroako Zirkuitua ez dago soilik lehiaketarako pentsatua; helburua ekitaldi korporatiboak, zaletuen frogetarako jardunaldiak eta partikularren aisiarako ekimenak burutzeko espazio anitza izan dadila da.

Zirkuitu nagusia bariante birekin erabili daiteke batera eta hari gehitzen zaio 730 metroko pista, Kart, Supermotard eta moto txikientzako diseinatua. Batera, gidapena seguruaren inguruko praktikak eta ikastaroak burutzeko zirkuituan 950 metroko pista irristagarria izanen dugu erabilgarri; itsasgarritasun urriko azalera du eta bere luzera osoan zehar ihinztagailuak ditu.