Gaur, ostirala, Erriberriko Antzerki Klasikoaren Jaialdiaren XI. edizioa hasiko da. Antzerki-erakusketa 21:00etan inauguratuko da merindadeko hiriburu honen Errege Jauregian, Juan Ramón Corpas Mauleón kontseilaria buru dela.

Ondoren, 22.30ean, Albert Camusen "Calígula" lanak, Santiago Sánchezen zuzendaritzapean, jaialdiko programazioa irekiko du La Cavako agertokian. Lan hau Santiago Sánchezen berrikuspena da, eta Camusen testuari leial izanda, hainbat jai jorratzen ditu, besteak beste, tiranotasuna, beldurra eta interes ekonomikoa gizartearen motor moduan. Hala ere, konpainiak zenbait osagai berezi sartzen ditu, esaterako topikoetatik aldenduta dauden jantzi arriskutsuak.

La Cavako agertokiko antzezpen honez gain, Jaialdiko programaren barruan, Karlos III.a plazan, 20etan, Petronioren "El Satiricón" ikuskizuna, Agustín Iglesiasena, ikusi ahal izango da, Guirigai konpainiaren eskutik.

Ostiral honetan "La moda y los clásicos" erakusketa irekiko da Erdi Aroko galerietan. Gaurtik abuztuaren 1era arte bisitatu ahal izango da. Antzerkiaren Museo Nazionaletik datorren erakusketa honen bidez lokarriak ezartzen dira modaren eta antzerkiaren artean, eta antzerki figurinismoa indartzen da, gaur egungo sortzaile ezagunekin lotuta, hala nola, Elio Berhanyer, Jesús del Pozo, Francis Montesinos, Ágatha Ruiz de la Prada, Devota & Lomba, Miguel Palacio eta Ana Locking.

Uztailaren 17an, larunbata, Calígula berriro antzeztuko dute La Cavan, eta 20.00etan, lanaren zuzendariak, Santiago Sánchezek, eta Concha Vecino enologoak, "Ardoa pertsonaiarengan" gaiaren inguruan hitz egingo dute Ardoaren Museoan. Eszena zuzendariak antzezlaneko pertsonaia definitu eta ardoarekin duen bat-etortzea arakatuko du. Ekitaldi honetarako sarrera doakoa da, edukiera bete arte.

Igandean, uztailak 18, 12.30ean, Uxueko Santa Maria elizan Iñaki Fresán baritonoaren eta Josu Okiñena pianistaren errezitala entzun ahal izango da, doan, "Cuatro genios en tiempos difíciles" izenburupean. 22.00etan "Los tres blasones" antzeztuko da Cantería plazan, Miguel Munárrizen eszena-zuzendaritzapean.

Astelehenean, uztailak 19, Nafarroako errege-erreginen Jauregian antzezpenak hasiko dira, 22.00etan eta 23.00etan, "El museo de los horrores teatrales" lana. Hurrengo egunetan ere ikusi ahal izango da, uztailaren 20,21, 22, 25, 26, 27, 28 eta 29an. 22.30ean, La Cavan, "Duelo de esgrima y palabras" lana antzeztuko da, José Luis Chavarríaren zuzendaritzapean, eta La Irremediable konpainiaren eskutik.

Erriberriko Antzerki Klasikoaren Jaialdia Nafarroako Gobernuko Vianako Printzea Erakundea-Kultura eta Turismo Departamentuko Kultura zuzendaritza nagusiaren programa da. Kultura Ministerioaren, Erriberriko Udalaren eta Nafarroako Autobideen babesa du, eta Erriberriko Errege Jauregiaren, Kultura Ospakizunen Estatuko Sozietatearen eta Nafarroako Jatorri Deituraren Kontseilu Arautzailearen laguntza.