"La música del Reyno" zikloaren bigarren edizioa Vianako Printzearen gorteko musikari eskainita dago. Zikloa ostegun honetan, abuztuak 5, hasiko da Vianako Santa Maria elizan. "La Colombina" ahots-laukoteak aste honetan Foru Komunitateko lau elizatan kontzertuak eskainiko ditu.

Ostegun honetan, Vianan, kontzertua 20.30ean izango da. Ondoren, Iruñean, kontzertua San Saturnino elizan izango da, ostiralean, abuztuak 6, 20.30ean; Orreagako Santa María la Real elizan, larunbatean, abuztuak 7, 20.30ean; eta Orreagako kolegiatan, igandean, abuztuak 8, 13.00etan. Emanaldi guztiak doakoak dira, lokalen edukiera bete arte.

"La Colombina" laukoteak aurten hogeigarren urteurrena ospatzen du, eta Espainian eta atzerrian osperik handiena duen ahots-laukoteetako bat da. Errenazimenduko eta lehenengo Barrokoko musikan espezializatuta dago, eta lehenengoz bisitatzen du Foru Komunitatea.

"La música del Reyno" zikloa Nafarroako Gobernuak sustatzen du eta iaz antolatu zuten lehenengoz, XII. eta XVI. mendeen artean Nafarroako koroari lotutako musika ondarea berreskuratu, interpretatu eta grabatzeko. Material gehienak inoiz ez dira interpretatu ez grabatu.

Bigarren edizio honetan, Karlos IV.a Vianako Printzearen inguruko musika interpretatuko da, Errenazimenduaren hasierakoa. Gorte harekin nola edo hala lotuta egon ziren konpositoreak biltzen ditu, hala nola Juan Cornago, Vicenet, Enrique de París, Damianus, Pietro Oriola, Ockeghem, Dunstable, Bedingham eta Petrus Hedus.