Ikastaroa Nafarroako Erret Artxibategi Orokorrean egingo da, eta 20 orduko iraupena izango du. Asmoa da bertaratutakoak trebatzea, kontsumitzailearen arretarako udal bulegoetako eta kontsumoko bestelako erakundeetako langileak prestatzeko, herritarrek arlo horretan dituzten arazoei aurre egin diezaieten, eta eskura dituzten informazio-baliabide nagusiak ezagutu ditzaten.

Lehen egunean, Espainiako Bankuko aditu batek finantza-zerbitzuak azaldu eta mota horretako produktuetan normalean izaten diren kexak aipatuko ditu. Bigarren egunean, Estatuko Aseguru Ikuskarien Kidegoko aditu batek aseguruen eta pentsio-planen kontratazioaren ezaugarriak, eta sektore horretan eragina izan ohi dituzten erreklamazioak azalduko ditu. Jarduera bukatzean, CNMVren Ikerketa, Estatistika eta Argitalpenen saileko zuzendariordeak inbertsio-produktuei eta ohiko maula eta finantza-iruzurrei buruz hitz egingo du.

Ikastaroa ez da izango arlo horri buruzko informazioa ematea bakarrik; ezagutza horiek erabiltzeko modurik onena azalduko dute, kontsumo arloko langileak trebatzeko. Metodologiari dagokionez, adituen hitzaldiez gain, egunero tailer, eztabaida eta erakusketa desberdinak egingo dira, emandako bloke bakoitzarekin zerikusia duten kasu praktikoei buruz.