Álvaro Miranda Simavilla Bigarren presidenteordea eta Ekonomia eta Ogasun kontseilaria eta Amelia Salanueva Murguialday Toki Administrazioko kontseilaria Montejurrako Mankomunitatearen 25. urteurrena ospatzeko ekitaldien buru izan dira gaur Lizarran. Ekitaldi horren barruan, entitatearen egoitza berria inauguratu da. Duela gutxi, entitatearen bulegoak egoitza berrira aldatu zituzten.

Kontseilariekin batera Begoña Ganuza Bernaola herriko alkatea, Fidel Muguerza Rivero Montejurrako presidentea eta Pedro Pegenaute Garde Toki Administrazioko Departamentuko zuzendari nagusia egon dira.

Bestalde, Salanueva kontseilariak mankomunitatearen bidez uraren hornikuntza eta tratamendua kudeatzeko eta hondakinen kudeaketari dagokionez egin diren hobekuntzak nabarmendu ditu. Gaur egun, Montejurrako Mankomunitatea Nafarroako Hiriko Hondakinen Partzuergoak osatzen du, Salanueva kontseilaria buru dela.

Toki entitate hau 1981an sortu zen, "Montejurrako Ur Mankomunitatea" izenarekin, ura hornitzeko beharrezko lanak egiteko. Entitatea Estelerriko 16 udalerri elkartu ondoren sortu zen, aurretik beste mankomunitate batzuk egon baitziren, hala nola Irantzuko Mankomunitatea (Allo, Villatuerta, Andosilla eta Lerin herriek osatua) eta Oteitza, Murillo, Gorozin eta Zurukuaingo Mankomunitatea.

Urte hauetan udalerri gehiago atxiki dira, eta gaur egun, 60 udalek osatzen dute, hau da, 53.000 herritarrek gutxi gorabehera. Mankomunitateak uraren eta hiriko hondakinen kudeaketa eta tratamendu zerbitzuak eskaintzen ditu, baina gizarte-interesa duten beste esparru batzuetan ere jardunak garatzen ditu.