Nafarroako Jauregirako bisita gidatuen programak jarriko du abian astelehen honetan, azaroak 22, Nafarroaren Eguna ospatzeko antolatutako ekitaldien agenda. "Nafarroako Jauregiak ateak irekitzen ditu" ekimenaren bidez, herritarrei Iruñean Nafarroako Gobernua hartzen duen eraikina ezagutzeko aukera emango zaie datorren abenduaren 2ra arte. Ibilbide gidatu horietan, eraikineko aretoak, galeriak eta bulegoak zeharkatu daitezke eta eraikinaren barruan dagoen ondare artistikoa ezagutu daiteke.

Bisitek 80 minutu inguruko iraupena dute eta Nafarroako Jauregiko Tronuaren Aretoan amaitzen dira. Leku horretan, aurten, Nafarroako banderaren jaiotza antzeztuko da, Navas de Tolosako batailei aipamen eginda. Antzezpena Pablo del Mundillo eta Imanol Espinazo aktoreek egingo dute. Horrez gain, Areto Isabeldarrean "Navarra, pasión por el rojo" hiru dimentsioko bideoa proiektatuko da, eta horretarako, ikusleen eskura betaurreko egokituak jarriko dira.

Nafarroako Jauregirako bisita gidatuak azaroaren 22, 24, 25, 26, 27, 28, 29 eta 30erako eta abenduaren 1 eta 2rako aurreikusi dira, 17etatik 18.30era lanegunetan eta 11etatik 12.30era eta 17etatik 18.30era asteburuetan eta jaiegunetan. 1.700 plaza eskaintzen dira 49 taldetan, gehienez ere talde bakoitzeko 35 pertsona egonda. Gaurko egunerako, azaroaren 19rako, ia 600 plaza erreserbatuta daude.

Bisita horietarako erreserbak telefonoz egin daitezke 948 290 363 zenbakira deituta, astelehenetik ostiralera, 9etatik 18etara. Foru Jauregian sartzeko beharrezkoa da NAN erakustea, eta adingabeak lagunduta joan behar dira. Debekatuta dago argazkiak flasharekin ateratzea eta bideoak grabatzea. Era berean, ezin da takoi fineko oinetakoekin edo zoladuretan kalteak eragin ditzaketen beste objektu batzuekin sartu.

Bestalde, Nafarroaren 2010eko Egunaren programazioa biltzen duen web orria aktibo dago. Orrira Nafarroako Gobernuaren ataritik sartzen da (