Familia, Gazteria, Kirol eta Gizarte Gaietako kontseilariak hitzarmen bat sinatu du gaur goizean CEOMAko (Adindunen Elkarteen Espainiako Konfederazioko) buru Jose Luis Meler y de Ugarterekin, bi erakundeen elkarlana areagotzeko adindunen egoitzetan immobilizazio fisiko eta farmakologikoak zentzuz erabiltzea bermatzeko egiten dituzten jardueretan.

Hitzarmen horretan, Nafarroako Gobernuaren Gizarte Gaietako Departamentuak konpromiso hau hartu du: baimentzea, batetik, batetik, foru erkidegoko zentro publiko eta hitzartuetan prebalentzia eta faktore klinikoak aztertzea; eta bestetik, zentro horietan ebaluazioak egitea, diagnostikatzeko barneko adindunen erorikoak, baranden erabilera, jarrera arazoak, botika psikotropikoen erabilera, arretaren antolaketa gaiak eta lokailuen erabilera.

Garcia Malo kontseilariak azpimarratu du lokailuak ezin direla kasu guztietan kendu, baina zentzuz erabili behar direla. Horretarako, adindunei banan-banako arreta handiagoa eman behar zaie, eta hobetu behar dira erorikoak gertatzeko arriskuen prebentzioa, dementzien jokabide sintomen gobernatzea, zentroko asistentzia lanen antolaketa eta senideekiko harremana; familiek informazioa jaso behar dute beti eta arretari buruzko erabakiak hartzerakoan parte hartu behar dute.

Nafarroa aitzindari eta erreferente da arlo horretan; izan ere, Gizarte Zerbitzuen 2006ko Foru Legea izan zen gizarte zerbitzuen hartzaileekin lokailuak nola erabili arautu eta erabilera bermatu zuen estatuko lehenengoetarikoa.

2009an, CEOMArekin elkarlanean, adindunei jartzen zaizkien lokailuen erabileraren prebalentzia aztertu zen lehen aldiz. Ondorioz, aholku zerrenda bat egin zuten eta aholku horiek Gizarte Zerbitzuen 1. Kalitate Planean sartu zituzten.

Orain, Gizarte Zerbitzuen Foru Legean arlo horretan aurreikusitakoa garatuko duen foru dekretua ari dira bideratzen, estatuko era horretako lehenbizikoa.