Izapide horren bidez, aurretik ADIFek (Administrador de Infraestructuras Ferroviarias) onetsitako oinarrizko proiektua jendaurrean jarri da, Nahitaezko Desjabetzeari buruzko Legearen 18. eta 19. artikuluetan ezarritakoaren ondoreetarako, baita ukitutako ondasunen eta eskubideen zerrenda biltzen duen dokumentazioa ere.

Informazio hori Espainiako Gobernuaren Ordezkaritzan, Korridorearen tarte honek ukitutako Udaletan (Valtierra, Cadreita eta Alesbes) eta Nafarroako Gobernuko Proiektuen Zerbitzuan (San Ignacio etorbidea, 3. zk., Iruñea) kontsultatu daiteke.

Jendaurreko informazio aldi honetan, 15 egun baliodun iraungo dituena, edozein pertsonak beharrezko datuak idatziz aurkeztu ahal izango ditu egindako akatsak zuzentzeko edo okupatu beharraren kontra agertzeko.

1. tartearen jendaurreko informazio aldia hasi denez, Laura Alba Cuadrado Herri Lan, Garraio eta Komunikazio kontseilariak proiektuen gaur egungo egoerari buruzko informazioa eman du gaur goizean. Hona hemen:

Castejón-Alesbes 1. tartea (14,7 km): tarte honen oinarrizko proiektuaren jendaurreko informazio aldia ireki da gaurtik, otsailak 8, otsailaren 25era. Aurreikuspenen arabera, martxoan behin betiko onetsiko da. Jarraian eraikitze proiektua idatziko da eta apirilaren hasieran onetsiko da. Une horretan, Nafarroako Gobernuak lanen eskaintza egiteko kasuan kasuko baimena emango du.

Alesbes-Erriberri 2. tartea (15 km): tarte honen oinarrizko proiektua joan den astetik ADIFen esku dago, behin-behinean onesteko. Horren ostean, kasuan kasuko jendaurreko informazio aldia hasiko da.

Erriberri-Tafalla 3. tartea (15 km): 3. tartearen oinarrizko proiektua nahiko aurreratuta dago eta ADIFera 15 egunetan gutxi gorabehera igorriko da.

Tafalla-Campanas (15,2 km) eta Campanas-Ezkirotz (10,2 km)) 4. eta 5. tarteak: proiekturik konplexuenak dira, lurzoruaren orografia eta ukitutako zerbitzuak kontuan hartuta, hiri-ingurua baita. Horrez gain, 5. tarteak beste konplexutasun bat du, Noaineko merkantzien geltokia etorkizunean UIC eta RENFE zabaleretara integratuko da eta.

Aurreikuspenen arabera, oinarrizko bi proiektu horiek bi hilabeteko epean gutxi gorabehera amaitu eta ADIFera behin betiko onesteko bidaliko dira, eta 1., 2. eta 3. tarteetako izapide berberak egingo dira.