Nafarroako suhiltzaile etxeak ikustera 1.600 lagun joan ziren 2010ean (eskola umeak eta elkarte eta erakundeetako kideak). Gainera, Nafarroako Larrialdi Agentziak hainbat prestakuntza eta dibulgazio jarduera antolatu zituen enpresa, erakunde, eraikin berezi eta beste espazio interesgarri batzuetan (geriatriko, ikastetxe, hotel eta abarretan); jarduera horien helburua zen leku horietan ezbeharren aurrean egiten duten lana hobetzea.

Gainera, Nafarroako Gobernuak larrialdiei arreta emateko antolatuta daukan egiturak basoko suteei aurre egiteko jardunaldiak sustatu zituen iaz; jardunaldi horietan estatuko profesional ospetsuek parte hartu zuten. Gainera, Agentziak merkantzia arriskutsuek izan ditzaketen istripuetan segurtasuna zaintzen eta lehen mailako esku-hartzeak egiten erakusteko saioak antolatu zituen; saio horiek ziren Herri Lan Departamentuko eta Santiago Bidearen autobiako (A-12) langileentzat.

NLAren 2010eko aurrekontuaren balantzearen arabera, 1.071.970 euroko partida zeukaten ekipamendu berriak eta ordezkoa gaiak jartzeko.

Halaber, inbertitu zituzten 242.045 euro jantzietan (esku-hartzeetarako 130 jantzi, baso kanpainarako jantziak eta suaren kontrako 200 galtza eta 400 polo, besteak beste), 105.796 euro material teknikoan (tresna hidraulikoak, linternak, gas eta CO² detektagailuak, ke handia sortzeko makinak, e.a.) eta 29.597 euro esku hartzeko beste tresneria eta material batzuetan (basoko materiala, eskoratzeko eta hondakinak kentzeko materiala, motozerrak, disko makinak, aizkorak, e.a.).

Orobat, 18.808 euro erabili zituzten ordezko piezak erosteko (desfibrilagailuak, konpresoreak, kaskoak, lantzak, berriz kargatzeko bateriak, kamioietarako ponpak, e.a.); 14.682 euro ur erreskateetarako ekipamendua eskuratzeko (ontzi pneumatiko profesional bat eta urpean igeri egiteko 13 ordenagailu); 12.751 euro mendi erreskaterako tresnak erosteko (esku-oheak, mosketoiak, sokak, e.a.); 12.043 euro errepide xurgatzailea, apar hautsa, koipegabetzailea eta olio sintetikoa erosteko; 8.949 euro garbiketa produktuetarako; eta 8.739 euro osasun materialerako, besteak beste.

NLAren 2010eko esku-hartzeen balantzearen arabera, suteak gertatuz gero erabiltzeko 1.000 ur hartune egiaztatu eta markatu zituzten, Nafarroako Udalerri eta Kontzejuen Federazioarekin elkarlanean.

Suteak itzaltzeko eta babes zibilerako Foru Gobernuak dauzkan taldeek simulazioak ere egin zituzten, besteak beste Garraioaren Hiriko merkantzia arriskutsuen aparkaleku berrian, kimika enpresetan (Inquinasa, Down Chemical eta Inabonos), Urederra ibaian eta Noaingo aireportuan (abenduan); baita sute simulazioak ere hainbat enpresatan eta Nafarroako Unibertsitate Publikoan ere. Gainera, ikastetxeak eta geriatrikoak husteko saioak ere egin zituzten.

NLAko suhiltzaileak prestatzeari dagokionez, iaz taldean sartu ziren profesionalek oinarrizko ikastaro bat egin zuten, eta gainerako langileek hobetzeko eta birziklatzeko saioak egin zituzten. Saioak gai hauei buruzkoak ziren: errepideetako tuneletan sua kontrolatzea eta itzaltzea, auto-eskailera berria erabiltzea, ontziak gidatzea, igogailuetan erreskateak egitea, merkantzia arriskutsuak maneiatzea, arrisku elektrikoak, izotzeko eta elurretako jarduerak, osasun tresneria erabiltzea eta basoan sua kontrolatzea (azken ekimen hori Kataluniako suhiltzaileekin elkarlanean egin zuten).

Foru erkidegoko suhiltzaileen agintariek, gainera, hainbat erakundek antolatutako esku-hartze eta ekipamendu teknikoen erabilera ikastaro aurreratuetan parte hartu zuten; erakunde antolatzaileak ziren, besteak beste, NLA bera, Kataluniako Gobernua, Babes Zibileko Eskola Nazionala eta Ingurumen eta Itsas eta Landa Ingurune Ministerioa.