Amelia Salanueva Murguialday Etxebizitza eta Lurraldearen Antolamendu kontseilariak Etxebizitza arloko atari tematikoa aurkeztu du gaur. Atari horrek erreferentziako webgunea izan nahi du Foru Komunitatean gai horri buruzko informazioa lortu edo izapideak egin nahi dituzten herritarrentzat eta profesionalentzat.

Salanuevak Departamentuko teknikarien ahalegina eskertu du "etxebizitzaren arloan dagoen araudi osoa modu laburtu, erakargarri eta erraz ikusteko modukoan" aurkeztu dutelako. Kontseilariaren esanetan, web orri honen bitartez, erabiltzaileak salerosketari, alokairuari edo zaharberritzeari buruzko guztia ezagutu ahal izango du, eta gai fiskalak, auzokoen erkidego baten funtzionamendua edo alokairuan izandako kaleratzeak sakondu ahal izango ditu.

Atari berrira Nafarrolako Gobernuaren web orritik eta

Atariaren barruan ‘herritarrak’ eta ‘profesionalak’ atalak bereizten dira. Lehenengoentzat azpiatal hauek planteatu dira: salerosketa, alokairua, zaharberritzea, etxebizitzen errolda, laguntzak eta diru-laguntzak, gaurkotasuna eta argitu zure zalantzak. Adibidez, herritar batek etxebizitza babestua eskatu nahi badu, hemen betekizunak, baremoak, diru-laguntzak, dokumentazioa eta informazio fiskala ezagutu ahal izango ditu, eta beste horrenbeste alokairuaren eta zaharberritzearen kasuan. Kontseilariak azaldu duenez, "azken finean, informazioa ‘urratsez urrats’, prozesua herritarrentzat askoz errazagoa izan dadin".

Bestalde, profesionalen atalak bost azpiatal ditu: etxebizitza babestuaren sustapena, araudi teknikoa, laguntzak eta diru-laguntzak, gaurkotasuna eta argitu zure zalantzak. Salanuevaren arabera, "lehenengoz daukagu leku berean horrenbeste informazio sustatzaileentzat; indarreko araudi osoa aurkitzeaz gain, webgune honetan eskuratu ditzaketen laguntza guztiei buruzko informazioa lortuko dute".

Salanuevak atarian dagoen erroldaren atala ere aipatu du. Herritarrek horretara sarbidea izango dute eta esleipen kanpainetako sustapen guztien berri izango dute.