Hezkuntza Departamentuan, martxoaren 25era arte, Iruñeko Arte Eskolako bigarren mailako ikaseek egindako lanen hautaketa ikusi ahal izango da. Ikasleek eskulturako, argazkigintza artistikoko eta grabaketako eta estanpazio tekniketako arte aplikatuen goi mailako prestakuntza zikloak egiten dituzte.

Erakusketa Departamentuaren klaustroan kokatuta dago. Atzo Alberto Catalán Hezkuntza kontseilariak, Javier Navallas Lanbide Heziketa Zerbitzuko zuzendariak eta Rosa García zentroko zuzendariak bisitatu zuten.

Eskulturen atalean, ondare historiko-artistikoaren piezen berreraikuntzak daude, baita eraikuntza osagai desberdinetarako apaindurak eta osagarriak ere, esaterako saretak eta eskultura exentu biribilak. Zazpi lan dira guztira, hainbat teknikarekin eginda, hala nola burdina forjatua, soldadura, poliester eta poliuretano panelen husketa, alabastrozko erliebeak eta zuraren tratamendua.

Argazkien atalean dozena bat lan daude formatu digitalean. Oro har, erretratuaren, modako argazkiaren, produktuaren argazkiaren eta erreportajearen eredu klasikoak dira. Aurkezpena kasu batzuetan maketaren bidez egin da eta argazkigintzak eskaintzen dituen aukerak erakusten ditu.

Amaitzeko, atal grafikoan estanpazioaren eta grabatuen bidez egindako lanak daude. Irudiak jatorrizko irudi moduan –edizio zenbakitu bateko alea- eta egileen proba, azken arte edo bozeto amaituen ikuspuntutik ikus daitezke, konponbide litografikorako, kalkografikorako, xilografikorako edo serigrafikorako prest daudenak.