Nafarroako Gobernuak internetetik Tracasa enpresa publikoaren bidez eskainitako lurralde-informazioko zerbitzu telematikoak Foru Gobernutik gehien eskatzen diren zerbitzuak dira. Nafarroako Geoatariak eta baliabide horrekin zerikusia duten loturek lurralde-informazioari lotutako datuen eta zerbitzuen kopuru gero eta handiagoa eskaintzen dute (mapak, kale-izendegiak, katastroko datuak, aireko irudiak edo hiru dimentsioko irudiak informazioa geruzetan zatituta, hainbat gairi buruzko informazioa kontsultatzeko, hala nola, Foru Komunitateko banaketa administratiboak, posta-helbideak, zuzkidura publikoak, lurralde-azpiegiturak eta hidrografiari buruzko datuak, besteak beste). Baliabide horiek asko eskatzen ditu sektore publikoak (Foru Administrazioak eta udalek, besteak beste) zein eguneroko zereginean mapak edo informazio geografikoa behar dituzten agente pribatuek.

Nafarroako Geoatariak iaz edukien ingeleseko eta euskarazko bertsioak abian jarri zituen. 2010ean 30 milioi bisita eta eskaera inguru izan zituen, hau da, batez beste 82.000 egunean.