Obra proiektuaren arabera, beheko solairua edo solairu nagusia terrazaren maila berean dago eta zerbitzu nagusiak ditu: komunak, armairuak-taberna-kafetegia dituen gunea terrazara eta hegoaldera begira, eta sukaldea. Sukaldera kanpoko aparkaleku pribatuko plaza txiki batetik sar daiteke.

Erdisotoan kirol materiala errentan hartzeko lekua, botikina, erabilera anitzeko gela bat eta beharrezko instalazioen gelak daude. Bi solairuak barruko eskailera baten bidez daude konektatuta; hala ere, lursailaren berezko jaitsierak eta eraikinaren egiturak kanpotik ere zuzenean sartzeko aukera ematen dute.

Barruko eskailera horrek lehenengo pisura ere eramaten du. Han dagoen eremua kudeaketarako bulego edo bileretarako areto gisa erabil daiteke; ondoan apartamentu txiki bat dago eraikinaren kudeatzaileek ostatu hartzeko erabiltzen dutena.

Hiru solairuek zoru bero-emaile bidezko berokuntza izango dute, hortaz, polietilenozko hodiak gordeko dituen zolarriaren gainean portzelana-gresezko zoladura jarriko da. Gela hezeak zeramikazko azulejuz estaliko dira sabairaino.

Barruko zurezko elementuak haritz egurrez egingo dira eta kanpokoak lakadun aluminiozkoak izango dira. Kristalak laminadun beirazkoak izango dira.