Nafarroako Berdintasun Institutuak, zazpigarren urtez jarraian,

Kanpainaren helburua bikoitza da: batetik, herritarrak kontzientziatu nahi dira gizonezkoek eta emakumezkoek etxeko eginkizunetan eta familia-betebeharretan erantzukizunez jardun behar dutela; bestetik, jai giroan emakumeen aurkako indarkeria prebenitu nahi da. Lehenengo helburua kanpainaren lemaren bidez laburtzen da: "Compartimos el trabajo, los cuidados y el ocio"; eta bigarrena, honen bidez: "Vive las fiestas desde el respeto, el No sigue siendo No".

Kanpaina honekin, Nafarroako Gobernuak genero-berdintasunaren aldeko konpromiso politikoa agertu nahi du jaiak antolatu eta ospatzean, eta udalek konpromiso horretan parte hartzea nahi du.

Nafarroako Berdintasun Institutuaren analisian, jaien lau alderdik emakumeen dibertsio-aukeretan modu erabakigarrian eragiten dute: 1) Gizonek eta emakumeek hiri-espazioak ez dituzte berdin okupatzen, batez ere inguru ez-seguruetan, gaizki argiztatutako kaleetan eta emakumeentzako etsaitasunezko giroetan; 2) Jaiaren baldintzek, batez ere alkohola edateak, erasoei eta sexu-abusuei mesede egin ahal diete; 3) Gizonezkoei erreserbatutako jarduerak, askotan modu inplizituan, eta 4) Etxeko eginkizunak eta familia-betebeharrak modu desberdinean banatzea.