Eskaintzan, Sanz Lehendakariak Nafarroako erakundeen opari sinbolikoa emango dio abadeari, monasterioan gurtzari eusteko. Eukaristia amaitutakoan, berorren gorentasunek lore koroa bat jarriko dute erresumako lehen erregeen hilobian; koroaren testua hau izango da: "Felipe y Letizia, Príncipes de Asturias y de Viana".

Ospakizuneko musikaz arduratuko dira Monasterioko Apaizen Abesbatza eta Zangozako Nora Abesbatza. Nora Abesbatzako zuzendaria Fermin Iriarte izango da eta organoa Antonio Guerrerok joko du.

2011ko Vianako Printzea sarien banaketa

Arratsaldean, 19:00ak aldera, berorren gorentasunak Baluarte Batzar Jauregi eta Auditoriora joango dira, eta, han, Nafarroako Lehendakariak eta Foru Erkidegoko agintari nagusiek agurtuko dituzte berriz ere. 2011ko Vianako Printzea Nafarroako nazioarteko Sarietako hiru epaimahaietako buruen, sariak antolatzen parte hartu duten Nafarroako Gobernuko kontseilarien eta enpresa babesleen agurra ere jasoko dute. 

Nafarroako nazioarteko sariak banatzeko ekitaldia 19:00etan hasiko da eta mila gonbidatu inguru izango dira.

Espainiako eta Nafarroako ereserkiak entzun ondoren, Miguel Sanz Foru Erkidegoko Lehendakariak hitz egingo du Nazioarteko Sarien bigarren edizioko helburuak azaltzeko eta ezarritako hiru kategorietako sarituen merituak labur esateko:

- Kulturaren Vianako Printzea Saria: Nabaskozeko Faustino Menéndez-Pidal, Espainiako heraldista ospetsuenetako bat da eta Hispanoamerikan diziplina horren berritzaile handia.

- Elkartasunaren Vianako Printzea Saria: Manuel Elkin Patarroyo, 30 urte baino gehiagoz garapen bidean diren herrialdeetako biztanleek bereziki dituzten gaixotasunak txertoen bidez (malariaren aurkakoa batez ere) sendatzeko irtenbideak bilatzen egindako lana eskertzeko.

- Mendekotasunaren Arretaren Vianako Printzea Saria: Iriscom enpresa, "Vida a través del iris" proiektua egiteagatik. Proiektu horretan, sistema informatikoa giza begiaren irisak kontrolatzen duen komunikazio sistema alternatiboa sortu du, gehiengo desgaitasuna eta inkomunikazioa duten pertsonei komunikazioa errazteko.

Sarien banaketa Asturias eta Vianako printzearen mintzaldiarekin amaituko da. Ekitaldia amaitzean, berorren gorentasunak sarituekin elkartuko dira eta, ondoren, guztiek argazkia egingo dute epaimahaikideekin, agintariekin eta babesleekin. Jarraian, ekitaldian izango diren mila gonbidatu inguruk janaurrekoa egingo dute eta, 20:45ean, berorren gorentasunak joan egingo dira eta horrela amaituko dute Nafarroako foru Erkidegora egindako bisita.

100 langilek baino gehiagok jaso dute baimena

Asturias eta Vianako printze-printzesen bisita ofizialaren inguruko informazioa biltze aldera, hedabideetako 107 langilek jaso dute han izateko baimena: kazetari literarioek, grafikoek eta 27 hedabidetako telebistako teknikariek.

Nafarroako telebista kateez gain, Foru Erkidegoko hedabide guztiek jaso dute ekitaldiari buruzko informazioa jasotzeko baimena: Diario de Navarra eta Diario de Noticias, Nafarroako TVE, Onda Cero, COPE eta Radio Nacional  irrati kateak, eta EFE eta Europa Press albiste agentzietako ordezkariak. Estatuko hedabideek ere ekitaldian izateko aukera izan dute, adibidez, Antena 3, Telecinco eta Sexta kateek edo Telemadrid eta EITB bezalako eskualdeetakoek.