Castellano | Euskara | Français | English

Bilatzaile erabili!

Ikusi egun honetako albiste gehiago

Gobernuak Foru Erkidegoko kirol instalazioen erantzukizun zibila arautu du

ostirala, 2011.eko ekainak 17

Arauak aseguruko polizetan barne hartu beharreko gutxieneko arriskuak eta kalte-ordainen zenbatekoa zehazten du

Nafarroako Aldizkari Ofizialak, joan den ekainaren 6an, Familia, Gazteria, Kirol eta Gizarte Gaietako kontseilariaren foru agindua argitaratu zuen. Foru agindu horrek Foru Erkidegoko erabilera publikoko kirol instalazioetako titularrek egiten dituzten erantzukizun zibileko aseguruen kontratuak arautzen  ditu.

Betebehar hori arriskuen prebentzioari buruz ari den Nafarroako Kirolari buruzko uztailaren 5eko 15/2001 Foru Legearen 77. artikuluan ezarritakoaren ondorioz sortu da. Titulartasun publikoko instalazioen kasuan, Foru Legeak erantzukizun zibileko derrigorrezko asegurua kalteak eta galerak bere gain hartzen dituen beste sistema batez ordezkatzeko aukera ematen du.

Arau berriak, NAOn argitaratu zenetik, kasuan kasuko polizek barne hartu beharreko gutxieneko arriskuak, polizen eremu geografikoa eta denborazkoa, aseguratzaileak bere gain hartu behar dituen prestazioak eta bermatu edo aseguruak barne hartzen dituen gutxieneko zenbatekoak (ezbehar bakoitzeko eta urteko ez dira 300.000 euro baino gutxiagokoak izango, ezta biktimako 150.000 euro baino gutxiagokoak ere) ezartzen ditu. Hitzartu beharreko gainerako kontuak kontratua egiteko askatasun eta aldeen borondatearen autonomia printzipioaren arabera zehaztuko dira.

Foru Erkidegoko kirol administrazioak aseguruko polizak edo, titulartasun publikokoak izanez gero, kalte eta galerak beregain hartzen dituen sistema zein den erakusteko eskatu ahal izango die, edozein unetan, Foru Erkidegoko erabilera publikoko kirol instalazioetako titularrei.

Prentsa oharra:

Albiste hau osorik izan nahi baduzu PDF artxibo batean sakatu hemen

Jar zaitez gurekin harremanetan | Erabilerraztasuna | Lege abisua | Webaren mapa