Nafarroako Gobernuak zenbait gomendio orokor eman ditu beroak sortutako osasun-arazoak prebenitzeko, izan ere, Meteorologiako Estatu Agentziak adierazi du, asteazken honetan, abuztuak 15, gehieneko tenperatura 35 º C-koa izango dela Erriberan.

- Ura eta ur likido freskoak edatea askotan.

- Fresko egotea. Zehazki, bustitzea, bainatzea edo ur freskoaz dutxatzea; haizagailua edo aire girotua erabiltzea eta leku girotuetan egotea (zinemetan, kafetegietan, saltokietan).

- Eguzkitik babestea, eguneko ordu zentraletan kalera irtetea saihestuz eta itzalpean jarriz.

- Bero gehien egiten duen orduetan, esfortzu handia eskatzen duen jarduerarik ez egitea, hala nola erosketak, garbiketa, ibiltzea, ortura edo lorategira joatea eta kirola egitea.

- Haurrak eta adinekoak edo gaixoak zaintzea. Egunean bi aldiz harremanetan jartzea komeni da, eta haien osasun-egoera ona dela eta neurri horiek hartzen dituztela egiaztatzea.

- Pertsona batek tenperatura oso altua badu (arrazoirik gabe) edo kontzientzia egoeran aldaketak baditu, kontsultatu berehala osasun-zerbitzuekin.

Bero gehiegi egiteak osasun-arazoak eragin ditzake, hala nola deshidratazioa, karranpak, nekea edo bero kolpea –gorputzaren tenperatura 39 º C-koa edo hortik gorakoa bada-, buruko mina eta nahastea edo konortea galtzea. Horiek guztiek osasun-arreta behar dute.

Egoera horren arrazoia da gorputzaren tenperatura kontrolatzen duen ohiko sistemak gehiegizko zama duela, eta egoera hori, gorputza hozteko mekanismoak erabiliz saihestu daiteke.