Zerbitzuko langileak

Pediatriako larrialdietako unitate berriko langileei dagokienez, aurreikusi denaren arabera, orain artekoak izango dira. Hortaz, langile hauek egongo dira:

-larrialdietarako 2-3 pediatra eta barruko 2 mediku egoiliar (BAME), pediatria eta familiako medikuntza, goizetan, arratsaldetan eta gauetan

-pediatriako 2 zirujau eta barruko mediku egoiliar 1 (txandaka)

-laguntzeko beste espezialitateak, partekatuta, adinekoei larrialdiko arretarekin

-goizetan 2 erizain, 3 arratsaldeetan eta 2 gauetan; goizetan 2 erizain laguntzaile, 3 arratsaldeetan eta 1 gauetan (astelehenetik ostiralera) eta 3 goizetan, 2 arratsaldeetan eta 1 gauetan (larunbatetan, igandeetan eta jaiegunetan)

-goizetan, arratsaldeetan eta gauetan zelari bana

-goizetan, arratsaldeetan eta gauetan administrari 1 (ginekologiako eta amentzako larrialdietako unitatearekin partekatua)

3.880 metro koadro eraiki dira 

Ama-haurren larrialdietarako eraikina egiteko proiektua Ferrovial Agroman S.A. eta S.A. Navarra de Construcciones enpresen aldi baterako elkarteari esleitu zitzaion, eta Nafarroa 2012 Planeko jarduera nagusietako bat da. 7.430.000 euroko aurrekontua du guztira eta, horietatik, 382.800 euro proiektua idazteko eta obra zuzentzeko erabili dira eta milioi bat euro ekipamendurako.

Higiezina eraikinaren amen orain arteko unitatearen ondoan egin dute (lehen Virgen del Camino Ospitalea zena), eta 3.880 metro koadroko azalera eraikia izango du. Proiektuaren barruan, erdi sotoko solairu bat egin da instalazioetarako biltegiak eta lokalak dituena, beheko solairuan, pediatriako larrialdietako zerbitzua eta ama-haurren larrialdietarako sarrera komuna daude; azken hori ama-haurrentzako eraikinaren ipar-ekialdeko hegaleko beheko solairuarekin dago lotuta (goitik-behera berritu dute eta Ginekologiako eta Obstetriziako Larrialdietako Zerbitzua jarri dute bertan). Lehenengo solairuan pediatriarako kontsulten gune bat eta ginekologia-obstetriziarako beste bat daude, bakoitzak bere itxarongela du; ekitaldietarako areto berri bat ere egin da.  Zaintzako medikuentzat 10 logela ere jarri dituzte.

Eraikinak duen egitura ikusita, gaur egungo eraikineko estalkira arte handitzeko aukera dago. Horrek, amen eraikineko ospitaleratze unitate guztiak berritzeko aukera emango du etorkizunean.

Hala, eraikin berriko laguntzarako solairuetako guneak honakoetan daude banatuta:

-Erabiltzaileentzako sarrera eta harrera (187 m2), sarrerako atondoa, zelarien postua, larrialdietako sarrera eta triage gunea (triage jardunaren bidez pazienteak diagnostikoaren arabera sailkatzen dira).

-Ginekologiako eta Obstetriziako Larrialdiak (431 m2), erabiltzaileentzako gune bat du itxarongela eta komunekin, eta laguntzeko bi gune: bata lehen mailakoa, bi miaketa gela dituena, eta bestea bigarren mailakoa, miatzeko eta monitorizatzeko gela bana dituena.

-Pediatriako Larrialdien unitateak (547 m2) erabiltzaileentzako gune bat du, itxarongela batekin, lau boxeko lehen mailako laguntza gunea, bizkortzeko gela bat eta bigarren mailako laguntza gunea nebulizazioen gela bat, behaketarako gela bat eta erizaintzako kontrola dituena.

-Azkenik, aurreko biei laguntza emateko gune bat (79 m2) egin da. Biltegiratzeko beste gela batzuk, farmazia, bilera aretoa eta medikuentzako bulegoak ditu, baita garbiketarako gelak ere.

Lehen solairua honako hauetarako erabiliko da:

-Pediatriako eta Ginekologia-Obstetriziako kontsulten gunea (272,42 m2), harrera gune bat, pediatriako bi kontsulta, itxarongela bat eta komunak, ginekologiako eta obstetriziako lau kontsulta, eta horientzako itxarongela eta komunak dituena.

-Ekitaldietarako aretoan (209,98 m2) 150 pertsona sartzen dira. Ekitaldietarako aretora sartu aurretik atondoa dago (tabike mugikor batez banatuta, hala, aretoko espazioa handitu egin daiteke), baita prestatzeko biltegi txiki edo lokal bat.

-Zaintzako medikuentzako logelak (140,88 m2): 10 logela gune osorako komunak eta bi dutxa dituztenakea.

-Bilera aretoa (18,23 m2)

-Atondoak, korridoreak, komunak, etab. (118,53 m2)

Eraikuntza berria lehengo Virgen del Camino Ospitaleko eraikinaren ama-haurrentzako solairuekin lotuta egongo da bertikalki bi igogailu eta eraikineko ipar-ekialdeko hegaleko eskaileren bidez. Eskailerak ama-harrentzako blokeko solairu guztietan zehar joango dira, hala, segurtasuna eta ama-haurrentzako blokearekiko komunikazioa hobetuko da. Aurreikusi denez, obrak urtearen amaieran amaituko dira.

Gogorarazi behar da obrak 2009ko azken hiruhilekoan hasi zirela. Orduan, obrak egitean ospitaleko logistika konpontzeko ondoko eraikina egiten hasi ziren. Lehen fasea amaitzeak proiektuaren bigarren faseari bide emango dio, eta ama berrientzako eraikinaren beheko solairua birmoldatuko da ginekologiako eta obstetriziako larrialdietako unitate berriak jartzeko.

Ama-haurrentzako Larrialdi zerbitzuetan emandako arreta

2010ean, Nafarroako Ospitale Guneko ama-haurrentzako Larrialdi zerbitzuak 54.323 paziente artatu zituen. Horietatik 17.392 paziente Ginekologia eta Obstetrizia gunean artatutako emakumeak izan ziren. Horrek guztiak esan nahi du egunean 48 paziente artatu zirela; Pediatrian, ordea, 39.931 paziente artatu ziren (egunean 101 haur). 2003tik, Padiatriako Larrialdietan emandako arreta egonkortu egin da Iruñean pediatriako larrialdietarako bi zerbitzu anbulatorio martxan jarri direlako.